மெர்சிடிஸ் ஏஎம்ஜி ஜிஎல்சி 43 கூப் இந்திய வெளியீட்டு விவரம்

மெர்சிடிஸ் பென்ஸ் நிறுவனம் இந்திய சந்தையில் ஏஎம்ஜி ரக கார்களை உற்பத்தி செய்ய போவதாக சமீபத்தில் அறிவித்தது. அந்த வகையில் இந்தியாவில் உற்பத்தி செய்யப்பட்ட ஏஎம்ஜி ஜிஎல்சி 43 4மேடிக் கூப் மாடல் நவம்பர் 3 ஆம் தேதி வெளியிடப்பட இருப்பதாக மெர்சிடிஸ் பென்ஸ் அறிவித்து உள்ளது.

புதிய ஏஎம்ஜி ஜிஎல்சி 43 கூப் மாடல் விலை ரூ. 80 லட்சம் வரை நிர்ணயம் செய்யப்படலாம் என எதிர்பார்க்கப்படுகிறது. மெர்சிடிஸ் ஏஎம்ஜி ஜிஎல்சி 43 கூப் மாடலில் 3.0 லிட்டர் வி6 பை-டர்போ என்ஜின் வழங்கப்படுகிறது. இந்த என்ஜின் 385 பிஹெச்பி பவர், 520 என்எம் டார்க் செயல்திறன் வழங்குகிறது.

இந்த கார் மணிக்கு 0 முதல் 100 கிலோமீட்டர் வேகத்தை வெறும் 4.9 நொடிகளில் எட்டிவிடும். இந்த கார் அதிகபட்சம் மணிக்கு 250 கிலோமீட்டர் வரை செல்லும் வகையில் கட்டுப்படுத்தப்பட்டு இருக்கிறது.