நிசான் இசட் சீரிஸ் ப்ரோடோடைப் வெளியீட்டு விவரம்

நிசான் நிறுவனம் தனது 400இசட் ஸ்போர்ட்ஸ்கார் மாடலை அடுத்த 12 மாதங்களுக்குள் அறிமுகம் செய்யலாம் என எதிர்பார்க்கப்படுகிறது. இந்நிலையில், நிசான் தனது 370இசட் மாடலின் மேம்பட்ட வெர்ஷன் ப்ரோடோடைப்பை செப்டம்பர் 16 ஆம் தேதி வெளியிட இருக்கிறது.

ப்ரோடோடைப் வெளியீட்டிற்கென நிசான் டீசர் வீடியோவை வெளியிட்டுள்ளது. இதில் புதிய கார் மேனுவல் டிரான்ஸ்மிஷன் கொண்டிருக்கும் என தெரியவந்துள்ளது. மேலும் இதில் ட்வின் டர்போசார்ஜ் செய்யப்பட்ட வி6 பவர்டிரெயின் யூனிட் வழங்கப்படலாம் என தெரிகிறது.

நிசான் இசட் ஸ்போர்ட்ஸ்காரில் இசட் வடிவ லோகோ, எல்இடி ஹெட்லைட்கள் மற்றும் பிரத்யேக அலாய் வீல்கள் வழங்கப்படுகிறது. இதன் வெளியீடு 2021 வாக்கில் நடைபெற இருக்கிறது. இதன் உற்பத்தி வடிவம் 400இசட் எனும் பெயரில் அறிமுகமாகும் என எதிர்பார்க்கப்படுகிறது.