search icon
என் மலர்tooltip icon

    ஆட்டோமொபைல்

    எம்ஜி குளோஸ்டர்
    X
    எம்ஜி குளோஸ்டர்

    எம்ஜி குளோஸ்டர் டீசர் வீடியோ வெளியீடு

    எம்ஜி மோட்டார்ஸ் நிறுவனத்தின் புதிய குளோஸ்டர் காரின் டீசர் வீடியோ வெளியிடப்பட்டு இருக்கிறது.

    எம்ஜி குளோஸ்டர் எஸ்யுவி மாடல் டீசர் வீடியோ வெளியிடப்பட்டு உள்ளது. முன்னதாக எம்ஜி குளோஸ்டர் மாடல் 2020 ஆட்டோ எக்ஸ்போ விழாவில் காட்சிப்படுத்தப்பட்டது. எம்ஜி குளோஸ்டர் ஐந்து மீட்டர்கள் அளவில் 2.95 மீட்டர் வீல்பேஸ் கொண்டிருக்கிறது. இந்தியாவில் இதன் விலை ரூ. 40 லட்சத்தில் துவங்கி அதிகபட்சம் ரூ. 50 லட்சம் வரை நிர்ணயம் செய்யப்படலாம்.

    புதிய குளோஸ்டர் மாடல் முன்புற தூரத்தை எச்சரிக்கும் அம்சம் கொண்ட முதல் எஸ்யுவி மாடலாக இருக்கும் என தெரிகிறது. இத்துடன் முன்புற கொலிஷன் வார்னிங் மற்றும் ஆட்டோ பார்க்கிங் வசதி உள்ளிட்டவையும் வழங்கப்பட்டு உள்ளது. வழக்கமான அம்சங்களுடன் குளோஸ்டர் மாடலில் கனெக்ட்டெட் கார் தொழில்நுட்பம் வழங்கப்பட இருக்கிறது.

     எம்ஜி குளோஸ்டர்

    சர்வதேச சந்தையில் எம்ஜி குளோஸ்டர் மாடல் டர்போசார்ஜ் செய்யப்பட்ட 2.0 லிட்டர் பெட்ரோல் என்ஜின் கொண்டிருக்கிறது. இந்தியாவில் இந்த கார் ஹைப்ரிட் மற்றும் டீசல் மோட்டார் ஆப்ஷன்களில் கிடைக்கும் என தெரிகிறது.

    எம்ஜி குளோஸ்டர் மாடல் இந்தியாவில் பண்டிகை காலக்கட்டத்தில் அறிமுகம் செய்யப்படும் என எதிர்பார்க்கப்படுகிறது. இது விலைகளின் அடிப்படையில் பிஎம்டபிள்யூ எக்ஸ்1, வால்வோ எக்ஸ்சி40 போன்ற மாடல்களுக்கும் டொயோட்டா ஃபார்ச்சூனர், ஃபோர்டு என்டெவர், ஃவோக்ஸ்வேகன் டிகுவான் ஆல்ஸ்பேஸ் மற்றும் ஸ்கோடா கோடியக் மாடல்களுக்கு போட்டியாக அமைகிறது.
    Next Story
    ×