பென்ட்லி நிறுவனம் 2020 பென்ட்யகா ஃபேஸ்லிப்ட் மாடல் காரினை அறிமுகம் செய்துள்ளது. முன்னதாக இந்த கார் ஸ்பை படங்கள் மற்றும் வீடியோக்கள் பலமுறை இணையத்தில் லீக் ஆகி இருந்தன.
அந்த வரிசையில் இந்த கார் தற்சமயம் அறிமுகம் செய்யப்பட்டு இருக்கிறது. புதிய கார் முன்புறம் ஓவல் வடிவ ஹெட்லேம்ப்கள், மேட்ரிக்ஸ் கிரில், கிரிஸ்டல் கிளாஸ்வேர், பக்கவாட்டில் 22 இன்ச் புதுவித அலாய் வீல்கள், பின்புறம் புதிய டெயில்கேட், பம்ப்பரில் நம்பர் பிளேட் ஹோல்டர், புதிய டெயில் லைட்கள் வழங்கப்பட்டுள்ளன.
காரின் உள்புறம் ஃபுலி டிஜிட்டல் இன்ஸ்ட்ரூமென்ட் கன்சோல், 10.9 இன்ச் தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ, யுஎஸ்பி டைப்-சி போர்ட்கள், வயர்லெஸ் சார்ஜிங் வசதி உள்ளிட்டவை வழங்கப்பட்டு இருக்கிறது.
புதிய பென்ட்யகா ஃபேஸ்லிப்ட் மாடலில் 4.0 லிட்டர் ட்வின் டர்போ வி8 என்ஜின் வழங்கப்பட்டுள்ளது. இந்த என்ஜின் 542 பிஹெச்பி பவர், 770 என்எம் டார்க் செயல்திறன் வழங்குகிறது. இந்த கார் மணிக்கு 0 முதல் 100 கிலோமீட்டர் வேகத்தை வெறும் 4.5 நொடிகளில் எட்டிவிடும்.
