ஜீப் நிறுவனம் 2021 காம்பஸ் ஃபேஸ்லிப்ட் எஸ்யுவி மாடலினை சர்வதேச சந்தையில் அறிமுகம் செய்திருக்கிறது. புதிய ஜீப் காம்பஸ் மாடலில் பல்வேறு மாற்றங்கள் செய்யப்பட்டுள்ளன. இத்துடன் பல்வேறு புதிய அம்சங்கள் மற்றும் உபகரணங்கள் வழங்கப்பட்டுள்ளன.
2021 ஜீப் காம்பஸ் ஃபேஸ்லிப்ட் மாடலை சுற்றி அதிக மாற்றங்கள் செய்யப்பட்டுள்ளன. இவற்றில், முன்புறம் புதிய ஹனிகொம்ப் மெஷ், ஏழு ஸ்லாட் கிரில் வழங்கப்பட்டுள்ளது. இத்துடன் ஹெட்லேம்ப்களில் மாற்றம் செய்யப்பட்டு இன்டகிரேட் செய்யப்பட்ட டிஆர்எல்கள் வழங்கப்பட்டுள்ளன.
மேலும் மேம்பட்ட முன்புறம் பம்ப்பர், ஃபாக் லேம்ப் ஹவுசிங், புதிய அலாய் வீல்கள், டெயில் லைட்களில் மாற்றம் செய்யப்பட்டுள்ளன. காரின் உள்புறம் முந்தைய மாடலை விட அதிக பிரீமியம் அனுபவத்தை வழங்குகிறது. இத்துடன் 8.4 அங்குல தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி உள்ளிட்டவை வழங்கப்பட்டுள்ளது.
2021 ஜீப் காம்பஸ் ஃபேஸ்லிப்ட் மாடல் 1.3 லிட்டர் டர்போ பெட்ரோல் என்ஜின் கொண்டிருக்கிறது. இந்த என்ஜின் 128 பிஹெச்பி மற்றும் 270 என்எம் டார்க் செயல்திறன் வழங்குகிறது. இத்துடன் 6 ஸ்பீடு மேனுவல் கியர்பாக்ஸ் மற்றும் 7 ஸ்பீடு டூயல் கிளட்ச் டிரான்ஸ்மிஷன் ஆப்ஷன் வழங்கப்பட்டு இருக்கிறது.
