விரைவில் இந்தியா வரும் ஒலா எலெக்ட்ரிக் ஸ்கூட்டர்

2014 ஆம் ஆண்டு துவங்கப்பட்ட எடெர்கோ நிறுவனம் முழுமையான எலெக்ட்ரிக் வாகனமாக ஆப்ஸ்கூட்டரை உருவாக்கி இருக்கிறது. இந்த ஸ்கூட்டர் உலகம் முழுக்க பல்வேறு விருதுகளை வென்று இருக்கிறது. 2019 சர்வதேச நுகர்வோர் மின்சாதன விழாவில் இந்த ஸ்கூட்டர் அதன் வடிவமைப்பு மற்றும் பொறியியல் திறனுக்காக புகழ்பெற்றது.
2018 ஆம் ஆண்டு முதன்முதலில் அறிமுகம் செய்யப்பட்ட ஆப்ஸ்கூட்டர், அதிக திறன் கொண்ட பேட்டரிகளை பயன்படுத்துகிறது. இவை ஒருமுறை சார்ஜ் செய்தால் அதிகபட்சம் 240 கிலோமீட்டர் வரை செல்லும் திறன் கொண்டிருக்கிறது. இந்த எலெக்ட்ரிக் ஸ்கூட்டரில் 7.5 கிலோ எடை கொண்ட கழற்றக்கூடிய பேட்டரிகள் பொருத்தப்பட்டுள்ளன.

இவற்றை முழுமையாக சார்ஜ் செய்ய 2 மணி நேரம் 30 நிமிடங்கள் ஆகும். ஆப்ஸ்கூட்டரில் மொத்தம் மூன்று பேட்டரிகள் வழங்கப்பட்டுள்ளன. இவை ஒவ்வொன்றும் 80 கிலோமீட்டர் வரை செல்லும் திறன் கொண்டிருக்கிறது.