search icon
என் மலர்tooltip icon

    ஆட்டோமொபைல்

    ஹீரோ லோகோ
    X
    ஹீரோ லோகோ

    இந்தியாவில் ஹீரோவின் புதிய பி.எஸ். 6 மோட்டார்சைக்கிள் அறிமுகம் செய்யப்பட்டது

    ஹீரோ மோட்டோகார்ப் நிறுவனத்தின் புதிய பி.எஸ்.6 மோட்டார்சைக்கிள் இந்திய சந்தையில் அறிமுகம் செய்யப்பட்டது.



    ஹீரோ மோட்டோகார்ப் நிறுவனம் இந்தியாவில் பி.எஸ். 6 ஹீரோ ஹெச்.எஃப். டீலக்ஸ் மோட்டார்சைக்கிளை அறிமுகம் செய்தது. இதன் செல்ஃப் ஸ்டார்ட் அலாய் வீல் மாடல் விலை இந்தியாவில் ரூ. 55,925 (எக்ஸ்-ஷோரூம்) என்றும் ஐ3எஸ் வேரியண்ட் ரூ. 57,250 (எக்ஸ்-ஷோரூம்) என நிர்ணயம் செய்யப்பட்டுள்ளது.

    முன்னதாக ஹீரோ ஸ்பிலென்டர் ஐஸ்மார்ட் பி.எஸ். 6 மாடலை ஹீரோ மோட்டோகார்ப் நிறுவனம் இந்தியாவில் அறிமுகம் செய்தது. இத்துடன் புதிதாக அறிமுகம் செய்யப்பட்டு இருக்கும் ஹெச்.எஃப். டீலக்ஸ் பி.எஸ்.6 வேரியண்ட்டை விற்பனை மையங்களுக்கு அனுப்பும் பணிகளை ஹீரோ மோட்டோகார்ப் துவங்கி இருக்கிறது. 

    ஹீரோ ஹெச்.எஃப். டீலக்ஸ்

    விரைவில் மற்ற மாடல்களும் பி.எஸ். 6 தரத்திற்கு அப்டேட் செய்யப்பட இருப்பதாக ஹீரோ மோட்டோகார்ப் நிறுவனம் தெரிவித்துள்ளது. புதிய ஹீரோ ஹெச்.எஃப். டீலக்ஸ் மாடலில் ஃபியூயல் இன்ஜெக்ட்டெட் எக்ஸ்-சென்ஸ் தொழில்நுட்பம் கொண்ட என்ஜின் வழங்கப்பட்டுள்ளது.

    இந்த என்ஜின் 9 சதவீதம் வரை கூடுதல் மைலேஜ் மற்றும் சிறப்பான செயல்திறன் வழங்குகிறது. இதன் செயல்திறன் 7.94 பி.ஹெச்.பி. @8000 ஆர்.பி.எம். மற்றும் 8.05 என்.எம். டார்க் @6000 ஆர்.பி.எம். ஆக இருக்கிறது. இந்த மோட்டார்சைக்கிள் ஹீரோ நிறுவனத்தின் ஜெய்பூர் புதுமை மற்றும் தொழில்நுட்ப மையத்தில் உருவாக்கப்பட்டதாகும்.

    இந்தியாவில் 100சிசி மோட்டார்சைக்கிள் வாகனங்கள் பிரிவில் ஹீரோ ஹெச்.எஃப். டீலக்ஸ் சுமார் 60 சதவீத பங்குகளை கொண்டிருக்கிறது. புதிய ஹீரோ ஹெச்.எஃப். டீலக்ஸ் மோட்டார்சைக்கிள் பிளாக் - ரெட், பிளாக் - பர்ப்பிள் மற்றும் பிளாக் - கிரே போன்ற நிறங்களில் கிடைக்கிறது. இத்துடன் டெக்னோ புளூ மற்றும் ஹெவி கிரே - கிரீன் நிறங்களிலும் கிடைக்கிறது.
    Next Story
    ×