ரேபிட் மேட் எடிஷன் மாடலை இந்தியாவில் அறிமுகம் செய்த ஸ்கோடா

ஸ்கோடா ஆட்டோ இந்தியா நிறுவனம் ரேபிட் மேட் எடிஷன் மாடலை இந்திய சந்தையில் அறிமுகம் செய்தது. புதிய ரேபிட் மேட் எடிஷன் துவக்க விலை ரூ. 11.99 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

மேட் எடிஷன் மாடல் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்களில் கிடைக்கிறது. காரின் நிறம் மற்றும் காஸ்மெடிக் மாற்றங்கள் தவிர மேட் எடிஷனில் வேறு எந்த மாற்றங்களும் மேற்கொள்ளப்படவில்லை.

புதிய ரேபிட் மேட் எடிஷன் மாடலிலும் 1 லிட்டர் டி.எஸ்.ஐ. பெட்ரோல் என்ஜின் வழங்கப்பட்டு இருக்கிறது. இந்த என்ஜின் 109 பி.ஹெச்.பி. திறன், 175 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு மேனுவல் மற்றும் 6 ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது.