டாடா மோட்டார்ஸ் நிறுவனம் புதிய கார் வாங்குவோருக்கு அசத்தல் நிதி சலுகைகளை அறிவித்து இருக்கிறது. இதற்காக டாடா நிறுவனம் இண்டஸ்இண்ட் வங்கியுடன் இணைந்துள்ளது. புது அறிவிப்பின்படி மிக குறைந்த மாத தவணை, நீண்ட காலத்திற்கு தவணை செலுத்தும் வசதி, எளிய நிதி திட்டங்கள் போன்றவை வழங்கப்படுகிறது.
வாடிக்கையாளர்களுக்கு சிக்கலற்ற நிதி சலுகைகளை வழங்க டாடா மோட்டார்ஸ் பல்வேறு வங்கிகளுடன் கூட்டணி அமைத்து வருகிறது. அந்த வரிசையில் புது கூட்டணி மூலம் கார் வாங்குவோருக்கு 3 முதல் 6 மாதங்களுக்கு மிக குறைந்த மாத தவணை வழங்கப்படுகிறது. இதில் வழக்கமான மாத தவணை தொகையை விட 60 சதவீதம் வரை குறைக்கப்பட்டு இருக்கிறது.
அதாவது ஒரு லட்சத்திற்கு மாதம் ரூ. 834 மாத தவணை வழங்கப்படுகிறது. மிக குறைந்த மாத தவணை கார் வாங்கிய முதல் 3-6 மாதங்களுக்கு வழங்கப்படுகிறது. மேலும் வாடிக்கையாளர் தேர்வு செய்யும் மாடல் மற்றும் வேரியண்டிற்கு ஏற்ப மாத தவணை 1 முதல் 7 ஆண்டுகள் வரை வழங்கப்படுகிறது.
