இந்தியாவில் எம்ஜி மோட்டார் எலெக்ட்ரிக் கார் முன்பதிவு மீண்டும் துவக்கம்

இந்தியாவில் இந்த ஆண்டு ஜனவரி மாதம் அறிமுகம் செய்யப்பட்ட இசட்எஸ் எலெக்ட்ரிக் எஸ்யுவி மாடல் ரூ. 20.88 லட்சம், எக்ஸ் ஷோரூம் என விலை நிர்ணயம் செய்யப்பட்டுள்ளது. முன்னதாக மும்பை, டெல்லி, ஆமதாபாத், பெங்களூரு மற்றும் ஐதராபாத் என ஐந்து நகரங்களில் மட்டும் இதன் விற்பனை நடைபெற்று வந்தது.
இந்நிலையில், புதிய எலெக்ட்ரிக் கார் விற்பனை பூனே, சூரத், கொச்சி, சண்டிகர், ஜெய்ப்பூர் மற்றும் சென்னை என ஆறு புதிய நகரங்களுக்கு நீட்டிக்கப்படுகிறது. இன்று (ஜூன் 1) முதல் புதிய எலெக்ட்ரிக் எஸ்யுவி மாடலினை எம்ஜி மோட்டார் விற்பனையகங்கள் அல்லது மை எம்ஜி ஆப் மூலமாக முன்பதிவு செய்து கொள்ளலாம்.

எக்சைட் மற்றும் எக்ஸ்குளூசிவ் என இரண்டு வேரியண்ட்களில் கிடைக்கும் எம்ஜி இசட்எஸ் எலெக்ட்ரிக் காரின் டாப் எண்ட் மாடல் விலை ரூ. 23.58 லட்சம், எக்ஸ் ஷோரூம் என நிர்ணயம் செய்யப்பட்டுள்ளது.