டாப் 10 கார்கள் பட்டியலில் மாருதி சுசுகியின் 7 மாடல்கள் || Top 10 Best Selling Cars of July 2019 in India Features 7 Maruti Models and 3 Hyundai

கடந்த ஜூலை மாதத்தில், டாப் 10 கார்கள் பட்டியலில் மாருதி சுசுகியின் 7 மாடல்களும், ஹூண்டாய் நிறுவனத்தின் 3 மாடல்களும் இடம் பெற்றுள்ளன. இதில் வேகன் ஆர் முதலிடத்திற்கு முன்னேறி உள்ளது.

மாருதி சுவிப்ட் கார்

ஜூலை மாதத்தில், டாப் 10 கார்களின் ஒட்டுமொத்த விற்பனை 21 சதவீதம் குறைந்து 1.07 லட்சம் கார்களாக இருக்கிறது. கடந்த ஆண்டின் இதே மாதத்தில் அது 1.35 லட்சம் கார்களாக இருந்தது.

மாருதி நிறுவனம் ஜூலை மாதத்தில் 15,062 வேகன் ஆர் கார்களை விற்பனை செய்து இருக்கிறது. கடந்த ஆண்டு ஜூலை மாதத்தில் அது 14,339-ஆக இருந்தது. இதன்படி டாப் 10 கார்கள் பட்டியலில் இது முதல் இடத்திற்கு முன்னேறி உள்ளது. மாருதி செடன் டிசையர் கார்கள் விற்பனை (25,647-ல் இருந்து) 12,923 கார்களாக குறைந்து இருக்கிறது. இது இரண்டாவது இடத்தில் இருக்கிறது. மாருதி சுவிப்ட் கார்கள் 3-வது இடத்திற்கு சென்றுள்ளது. இந்தக் கார் விற்பனை 12,677-ஆக இருக்கிறது. சென்ற ஆண்டின் இதே மாதத்தில் இதன் விற்பனை 19,993 கார்களாக இருந்தது.

மாருதி ஆல்டோ கார்கள் விற்பனை 11,577-ஆக இருக்கிறது. இது நான்காவது இடத்தில் இருக்கிறது. கடந்த ஆண்டின் இதே மாதத்தில் அது 23,371-ஆக இருந்தது. மாருதியின் பேலினோ கார்கள் 5-வது இடத்தில் உள்ளது. இந்தக் கார் விற்பனை (17,960-ல் இருந்து) 10,482-ஆக குறைந்துள்ளது. மாருதி ஈகோ கார்கள் விற்பனை 9,814-ஆக இருக்கிறது. இந்த பட்டியலில் இது ஆறாவது இடத்தில் இருக்கிறது. ஹூண்டாய் மோட்டார் நிறுவனத்தின் வென்யூ கார்கள் விற்பனை 9,585-ஆக உள்ளது. டாப் 10 பட்டியலில் இந்தக் கார் 7-வது இடத்தை பிடித்துள்ளது.

மாருதி எர்டிகா விற்பனை (4,764-ல் இருந்து) 9,222-ஆக அதிகரித்துள்ளது. எனவே இந்தக் கார்கள் எட்டாவது இடத்தில் இருக்கிறது. ஹூண்டாய் எலைட் ஐ20 கார்கள் (9-வது இடம்) விற்பனை 9,012 கார்களாக குறைந்து இருக்கிறது. மாருதியின் கிரெட்டா கார்கள் விற்பனை 6,585-ஆக குறைந்துள்ளது. டாப் 10 பட்டியலில் இந்தக் கார் 10-வது இடத்தில் இருக்கிறது. கடந்த ஆண்டின் இதே மாதத்தில் இதன் விற்பனை 10,423 கார்களாக இருந்தது.