search icon
என் மலர்tooltip icon

    ஆட்டோமொபைல்

    2021 ராயல் என்பீல்டு கிளாசிக் 350
    X
    2021 ராயல் என்பீல்டு கிளாசிக் 350

    அசத்தல் தோற்றம், பல்வேறு மாற்றங்களுடன் புதிய கிளாசிக் 350 அறிமுகம்

    ராயல் என்பீல்டு நிறுவனத்தின் 2021 கிளாசிக் 350 மோட்டார்சைக்கிள் ஐந்து வேரியண்ட்களில் கிடைக்கிறது.


    ராயல் என்பீல்டு நிறுவனம் 2021 கிளாசிக் 350 மோட்டார்சைக்கிளை இந்தியாவில் அறிமுகம் செய்தது. புதிய கிளாசிக் 350 மாடல் விலை ரூ. 1.84 லட்சம் என துவங்குகிறது. இதன் டாப் எண்ட் மாடல் விலை ரூ. 2.15 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

    2021 ராயல் என்பீல்டு கிளாசிக் 350 மாடல் முற்றிலும் புதிய சேசிஸ், என்ஜின், ரெட்ரோ டிசைன் மற்றும் சிறப்பான ரைடிங் அனுபவம் கொண்டிருக்கிறது. இந்த ஆண்டு அதிகம் எதிர்பார்க்கப்பட்ட மோட்டார்சைக்கிள் மாடல்களில் ஒன்றாக 2021 கிளாசிக் 350 இருந்தது. இந்த மாடலில் உள்ள கிளாசிக் 350 லோகோவும் மேம்படுத்தப்பட்டு இருக்கிறது.

    புதிய ராயல் என்பீல்டு கிளாசிக் 350 மாடலில் 349சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இது 20.2 பி.ஹெச்.பி. திறன், 27 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் உள்ளது.

     2021 ராயல் என்பீல்டு கிளாசிக் 350

    2021 ராயல் என்பீல்டு கிளாசிக் 350 வேரியண்ட் மற்றும் விலை விவரம்

    ரெடிட்ச் - ரூ. 1,84,374
    ஹல்சியோன் - ரூ. 1,93,123
    சிக்னல்ஸ் - ரூ. 2,04,367
    டார்க் - ரூ. 2,11,465
    க்ரோம் - ரூ. 2,15,118

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. புதிய கிளாசிக் 350 மாடல் பல்வேறு நிறங்களில் கிடைக்கிறது. 

    Next Story
    ×