அமெரிக்க மோட்டார்சைக்கிள் உற்பத்தியாளரான ஹார்லி டேவிட்சன் தனது ஐயன் 883 பி.எஸ்.6 மாடல்களின் விலையை அறிவித்து இருக்கிறது. இவற்றின் துவக்க விலை ரூ. 9.74 லட்சம், எக்ஸ் ஷோரூம் என நிர்ணயம் செய்யப்பட்டுள்ளது.
ஹார்லி டேவிட்சன் ஐயன் 883 மாடல்களில் 883சிசி ஏர் கூல்டு எவல்யூஷன் என்ஜின் வழங்கப்பட்டுள்ளது. இந்த என்ஜின் எலெக்டிரானிக் சீக்வென்ஷுவல் போர்ட் ஃபியூயல் இன்ஜெக்ஷன் சிஸ்டம் கொண்டிருக்கிறது. இது 50 பி.ஹெச்.பி. பவர் மற்றும் 70 என்.எம். டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.
இதுதவிர புதிய ஹார்லி மோட்டார்சைக்கிளில் எவ்வித மாற்றமும் மேற்கொள்ளப்படவில்லை. இதில் முந்தைய மாடலில் இருப்பதை போன்ற ஹேன்டிள்பார் மவுன்ட் செய்யப்பட்ட எலெக்டிரானிக் ஸ்பீடோமீட்டர் வழங்கப்பட்டுள்ளது. இது ஒடோமீட்டர், டைம் ஆஃப் டே கிளாக், டூயல் ட்ரிப் மீட்டர், ஃபியூயல் இன்டிகேட்டர், லோ ஆயில் பிரெஷர் இன்டிகேட்டர் உள்ளிட்ட விவரங்களை காண்பிக்கிறது.
2020 ஹார்லி டேவிட்சன் ஐயன் 883 பி.எஸ்.6 மாடல் - பிளாக் டெனிம், பரக்குடா சில்வர் டெனிம், ரிவர் ராக் கிரே மற்றும் சார்ச்டு ஆர்ஞ்சு சில்வர் ஃபாக்ஸ் என நான்கு வித நிறங்களில் கிடைக்கிறது.
