search icon
என் மலர்tooltip icon

    ஆட்டோமொபைல்

    ஹஸ்க்வர்னா 250 சீரிஸ்
    X
    ஹஸ்க்வர்னா 250 சீரிஸ்

    ஹஸ்க்வர்னா புதிய மோட்டார்சைக்கிள் இந்திய விநியோகம் துவங்கியது

    ஹஸ்க்வர்னா ஸ்வர்ட்பிளேன் 250 மற்றும் விட்பிளேன் 250 மோட்டார்சைக்கிள் மாடல்களின் விநியோகம் துவங்கப்பட்டுள்ளது.



    கே.டி.எம். விற்பனையாளர்கள் ஹஸ்க்வர்னா ஸ்வர்ட்பிளேன் 250 மற்றும் விட்பிளேன் 250 மோட்டார்சைக்கிள் மாடல்களின் விநியோகம் துவங்கியதாக தெரிவித்துள்ளன. இந்தியாவில் பிப்ரவரி மாதத்தில் அறிமுகம் செய்யப்பட்ட இரு மோட்டார்சைக்கிள்களின் விலை ரூ. 1.80 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

    புதிய மோட்டார்சைக்கிள்களின் முன்பதிவு கட்டணம் ரூ. 5000 என நிர்ணயிக்கப்பட்டு இருக்கிறது. ஹஸ்க்வர்னா ஸ்வர்ட்பிளேன் 250 மற்றும் விட்பிளேன் 250 மோட்டார்சைக்கிள்கள் கோவாவில் நடைபெற்ற 2019 இந்திய பைக் வாரம் விழாவில் அறிமுகம் செய்யப்பட்டன.

    ஹஸ்க்வர்னா விட்பிளேன் 250

    ஸ்வீடன் நாட்டு பிரீமியம் மோட்டார்சைக்கிள் நிறுவனமான ஹஸ்க்வர்னா கே.டி.எம். குழுமத்தின் அங்கமாக இந்திய சந்தைக்கு பஜாஜ் ஆட்டோ நிறுவனத்தால் கொண்டு வரப்பட்டுள்ளது. ஹஸ்க்வர்னாவின் இரு மோட்டார்சைக்கிள் மாடல்களும் இந்தியாவில் கே.டி.எம். விற்பனையகங்களில் பிரத்யேகமாக விற்பனை செய்யப்படுகிறது.

    இரு மாடல்களிலும் 248.76சிசி ஃபியூயல் இன்ஜெக்ட் செய்யப்பட்ட லிக்விட் கூல்டு, சிங்கிள் சிலிண்டர் 4-ஸ்டிரோக் DOHC என்ஜின் வழங்கப்பட்டுள்ளது. இந்த என்ஜின் 29.5 பி.ஹெச்.பி. பவர், 24 என்.எம். டார்க் செயல்திறன் வழங்குகிறது. இத்துடன் 6-ஸ்பீடு கியர்பாக்ஸ் வழங்கப்பட்டுள்ளது.
    Next Story
    ×