search icon
என் மலர்tooltip icon

    ஆட்டோமொபைல்

    ஓலா எலெக்ட்ரிக் ஸ்கூட்டர்
    X
    ஓலா எலெக்ட்ரிக் ஸ்கூட்டர்

    பத்து நிறங்கள், 150 கிமீ ரேன்ஜ் - அசத்தும் ஓலா ஸ்கூட்டர்

    ஓலா எலெக்ட்ரிக் நிறுவனத்தின் புதிய ஸ்கூட்டர் மாடல் விரைவில் இந்தியாவில் விற்பனைக்கு வர இருக்கிறது.


    இந்திய சந்தையில் ஓலா எலெக்ட்ரிக் ஸ்கூட்டர் பெரும் எதிர்பார்ப்பை ஏற்படுத்தி இருக்கிறது. சில தினங்களுக்கு முன் புதிய எலெக்ட்ரிக் ஸ்கூட்டருக்கான முன்பதிவை ஓலா எலெக்ட்ரிக் துவங்கியது. முன்பதிவு துவங்கிய 24 மணி நேரத்தில் இந்த ஸ்கூட்டரை வாங்க சுமார் 1 லட்சத்திற்கும் அதிகமானோர் முன்பதிவு செய்தனர். இதைத் தொடர்ந்து இந்த ஸ்கூட்டர் பற்றிய விவரங்கள் ஒவ்வொன்றாக வெளியிடப்பட்டு வருகின்றன.

     ஓலா எலெக்ட்ரிக் ஸ்கூட்டர்

    அந்த வரிசையில் தற்போது ஓலா எலெக்ட்ரிக் ஸ்கூட்டர் பத்துவித நிறங்களில் கிடைக்கும் என தெரியவந்துள்ளது. இந்த தகவல் ஓலா எலெக்ட்ரிக் அதிகாரப்பூர்வ வலைதளத்தில் பதிவேற்றம் செய்யப்பட்டு இருக்கிறது. அதிக நிறங்கள், எல்.இ.டி. லைட்டிங், அசத்தலான தோற்றம் என பல்வேறு அம்சங்கள் இருப்பதால் ஓலா எலெக்ட்ரிக் ஸ்கூட்டர் மாடல் சந்தையில் அதிகம் எதிர்பார்க்கப்படுகிறது.

    இந்த எலெக்ட்ரிக் ஸ்கூட்டர் ஒருமுறை முழுமையாக சார்ஜ் செய்தால் 150 கிலோமீட்டர் வரை செல்லும் திறன் கொண்டிருக்கும் என தெரிகிறது. மேலும் இந்த ஸ்கூட்டரை சார்ஜ் செய்ய பாஸ்ட் சார்ஜிங் வசதி வழங்கப்பட இருப்பதாகவும் கூறப்படுகிறது. பாஸ்ட் சார்ஜிங் பயன்படுத்தும் பட்சத்தில் இந்த ஸ்கூட்டரை 0 முதல் 50 சதவீதம் வரை சார்ஜ் செய்ய 18 நிமிடங்களே ஆகும் என தெரிகிறது. 

    Next Story
    ×