லெக்சஸ் நிறுவனம் தனது என்ட்ரி லெவல் எஸ்யுவி-யான NX மாடலின் இரண்டாம் தலைமுறை வேரியண்டை சர்வதேச சந்தையில் அறிமுகம் செய்தது. லெக்சஸ் நிறுவனத்தின் அதிக வரவேற்பு பெற்ற மாடல்களில் ஒன்றாக NX இருந்து வருகிறது.
சமீபத்தில் லெக்சஸ் காட்சிப்படுத்திய LF-Z EV கான்செப்டை தழுவி புதிய NX மாடல் வடிவமைக்கப்பட்டு இருக்கிறது. புதிய இரண்டாம் தலைமுறை லெக்சஸ் NX முற்றிலும் அதிநவீன தோற்றம் கொண்டிருக்கிறது. பக்கவாட்டில் புது கார் பெரிய ஏர் டேம்களை கொண்டிருக்கிறது.
இத்துடன் மெல்லிய ஹெட்லேம்ப்கள், இன்டகிரேட் செய்யப்பட்ட டிஆர்எல்கள் உள்ளன. இந்த காரின் முன்புறம் பெரிய ஸ்பின்டில் கிரில் உள்ளது. இதில் உள்ள நீண்ட பொனெட் காருக்கு பிரீமியம் தோற்றத்தை வழங்குகிறது. மேலும் இதன் கூர்மையான கிரீஸ்கள் புது காரை முந்தைய மாடலை விட வித்தியாசமானதாக மாற்றுகிறது.
லெக்சஸ் NX மாடல் 2.5 லிட்டர் பெட்ரோல், 2.5 லிட்டர் பெட்ரோல் பிளக்-இன் ஹைப்ரிட், 2.4 லிட்டர் டர்போசார்ஜ் செய்யப்பட்ட பெட்ரோல் மற்றும் 2.4 லிட்டர் டர்போசார்ஜ் செய்யப்பட்ட பெட்ரோல் மற்றும் பிளக்-இன் ஹைப்ரிட் என பலவித என்ஜின் ஆப்ஷன்களில் கிடைக்கிறது.
