புதுவித விற்பனை முறையில் கிடைக்கும் எம்ஜி இசட்எஸ்

எம்ஜி மோட்டார் இந்தியா நிறுவனம் தனது இசட்எஸ் எலெக்ட்ரிக் வாகனத்தை சந்தா முறையில் வழங்குகிறது. எம்ஜி சப்ஸ்கிரைப் எனும் திட்டத்தின் கீழ் ஜூம்கார் மற்றும் ஒரிக்ஸ் நிறுவனங்களுடன் இணைந்து இசட்எஸ் மாடலை 36 மாதங்களுக்கு பயன்படுத்தும் வசதி வழங்கப்படுகிது.

இதற்கான மாத கட்டணம் ரூ. 49,999 ஆகும். அறிமுக சலுகையாக இந்த கட்டணத்தில் 36 மாதங்களுக்கு எம்ஜி இசட்எஸ் வழங்கப்படுகிறது. முதற்கட்டமாக இந்த சலுகை மும்பை, பூனே, டெல்லி, பெங்களூரு போன்ற நகரங்களில் துவங்கப்பட்டு இருக்கிறது. விரைவில் மற்ற நகரங்களிலும் இது விரிவாக்கம் செய்யப்படுகிறது.

புதிய திட்டத்தின் கீழ் எம்ஜி இசட்எஸ் எலெக்ட்ரிக் மாடல் 12, 24, 18, 30 அல்லது 36 மாதங்கள் என பல்வேறு ஆப்ஷன்களில் கிடைக்கிறது.