search icon
என் மலர்tooltip icon

    ஆட்டோமொபைல்

    எம்ஜி மோட்டார்
    X
    எம்ஜி மோட்டார்

    கிராஷ் டெஸ்ட்டில் அசத்திய எம்ஜி இசட்எஸ் பெட்ரோல் வேரியண்ட்

    எம்ஜி மோட்டார்ஸ் நிறுவனத்தின் புதிய இசட்எஸ் பெட்ரோல் வேரியண்ட் கிராஷ் டெஸ்டில் அசத்தி இருக்கிறது.


    எம்ஜி மோட்டார் நிறுவனம் இசட்எஸ் எஸ்யுவி மாடலின் பெட்ரோல் வேரியண்ட்டை உருவாக்கும் பணிகளில் ஈடுபட்டு வருகிறது. புதிய எம்ஜி இசட்எஸ் பெட்ரோல் வேரியண்ட் எஸ்யுவி இந்தியாவில் சோதனை செய்யப்படும் புகைப்படங்கள் பலமுறை இணையத்தில் லீக் ஆகி இருக்கின்றன.

    எம்ஜி இசட்எஸ் எஸ்யுவி ASEAN NCAP கிராஷ் டெஸ்டிங்கை எதிர்கொண்டிருக்கிறது. புதிய இசட்எஸ் பெட்ரோல் வேரியண்ட் கிராஷ் டெஸ்டிங்கில் ஐந்து நட்சத்திர குறியீடுகளை பெற்று அசத்தி இருக்கிறது. இது பெரியவர் மற்றும் குழந்தைகள் பாதுகாப்பு புள்ளிகளை சேர்த்தது ஆகும்.

     எம்ஜி இசட்எஸ்

    பெரியவர்கள் பாதுகாப்புக்கு எம்ஜி இசட்எஸ் எஸ்யுவி மாடல் 44.82 புள்ளிகளையும், குழந்தை பாதுகாப்பிற்கு 20.92 புள்ளிகளை பெற்று இருக்கிறது. தற்சமயம் சோதனை செய்யப்பட்ட இசட்எஸ் மாடல் தாய்லாந்து மற்றும் வியட்நாமில் விற்பனை செய்யப்படுகிறது.

    எம்ஜி இசட்எஸ் மாடல் இந்திய சந்தையில் விற்பைக்கு வரவிருக்கும் நிலையில், இது தாய்லாந்து மற்றும் வியட்நாமில் விற்பனை செய்யப்படும் மாடலை விட வித்தியாசமாக இருக்கும் என தெரிகிறது. புதிய எம்ஜி இசட்எஸ் எஸ்யுவி குஜராத் ஆலையில் உற்பத்தி செய்யப்பட இருக்கிறது.

    Next Story
    ×