search icon
என் மலர்tooltip icon

    ஆட்டோமொபைல்

    கியா சொனெட் டீசர்
    X
    கியா சொனெட் டீசர்

    இந்தியாவில் சோதனை செய்யப்படும் கியா சொனெட் காம்பேக்ட் எஸ்.யு.வி.

    கியா மோட்டார்ஸ் நிறுவனத்தின் சொனெட் காம்பேக்ட் எஸ்.யு.வி. கார் இந்தியாவில் சோதனை செய்யப்படும் போது எடுக்கப்பட்ட புகைப்படங்கள் வெளியாகியுள்ளது.



    இந்திய ஆட்டோமொபைல் சந்தையில் கடந்த ஆண்டு களமிறங்கிய கியா மோட்டார்ஸ் நிறுவனம் 2020 ஆட்டோ எக்ஸ்போ விழாவில் தனது இரண்டாவது வாகனமான கியா கார்னிவல் மாடல் காரை அறிமுகம் செய்தது. இதே விழாவில் கியா நிறுவனம் தனது காம்பேக்ட் எஸ்.யு.வி. காரின் கான்செப்ட் வடிவத்தையும் காட்சிப்படுத்தியது. 

    புதிய கியா சொனெட் காம்பேக்ட் எஸ்.யு.வி. இந்தியாவில் இந்த ஆண்டு இறுதியில் அறிமுகம் செய்யப்படலாம் என எதிர்பார்க்கப்படுகிறது. இந்நிலையில், இந்த கார் இந்தியாவில் சோதனை செய்யப்படும் போது எடுக்கப்பட்ட புகைப்படங்கள் இணையத்தில் வெளியாகி இருக்கிறது.

    புதிய சோனெட் மாடல் இந்திய சந்தையில் கியா நிறுவனத்தின் முதல் காம்பேக்ட் எஸ்.யு.வி. மாடலாக வெளியாக இருக்கிறது. புதிய காரில் ஹூண்டாய் வென்யூ மாடலில் உள்ள என்ஜின் மற்றும் டிரான்ஸ்மிஷன் வழங்கப்படும் என தெரிகிறது. இந்த கார் இரண்டு பெட்ரோல் மற்றும் ஒரு டீசல் யூனிட் கொண்டிருக்கும் என கூறப்படுகிறது.

    கியா சொனெட் ஸ்பை படம்

    இதன் பெட்ரோல் என்ஜின் 83 பி.ஹெச்.பி. பவர் வழங்குகிறது. டர்போசார்ஜ் செய்யப்பட்ட 1.0 லிட்டர் மோட்டார் 123 பி.ஹெச்.பி. பவர் வழங்குகிறது. 1.5 லிட்டர் டீசல் என்ஜின் செல்டோஸ் மாடலில் இருந்து பயன்படுத்தப்படுகிறது. எனினும், இதன் செயல்திறன் சொனெட் மாடலுக்காக குறைக்கப்படலாம் என தெரிகிறது.

    மூன்று என்ஜின்களுடன் 6-ஸ்பீடு மேனுவல் கியர்பாக்ஸ், 1.0 லிட்டர் டர்போ பெட்ரோல் மாடலில் மட்டும் ஆப்ஷனல் ஆட்டோமேடிக் டிரான்ஸ்மிஷன் யூனிட் வழங்கப்படும் என கூோறப்படுகிறது.
    Next Story
    ×