விம்பிள்டன் டென்னிஸ்: ஜோகோவிச், ஸ்வியாடெக் 3-வது சுற்றுக்கு தகுதி

லண்டன்:

கிராண்ட்சிலாம் போட்டிகளில் ஒன்றான விம்பிள்டன் டென்னிஸ் போட்டி லண்டன் நகரில் நடைபெற்று வருகிறது.

உலக தரவரிசையில் 2-வது இடத்தில் இருப்பவரும், 23 கிராண்ட்சிலாம் பட்டம் வென்றவருமான ஜோகோவிச் (செர்பியா) 2-வது சுற்று ஆட்டத்தில் ஆஸ்திரேலியாவை சேர்ந்த தாம்சனை எதிர் கொண்டார்.

இதில் ஜோகோவிச் 6-3, 7-6 (7-4), 7-5 என்ற நேர் செட் கணக்கில் வென்று 3-வது சுற்றுக்கு முன்னேறினார்.

மற்றொரு ஆட்டத்தில் 8-வது வரிசையில் உள்ள சின்னர் (இத்தாலி) 7-5, 6-1, 6-2 என்ற நேர் செட் கணக்கில் அர்ஜெண்டினா வீரர் ஸ்வார்ட்ஸ்மேனை தோற்கடித்தார்.

பெண்கள் பிரிவில் முதல் வரிசையில் இருக்கும் இகா ஸ்வியாடெக் (போலாந்து) 2-வது சுற்றில் சாரா டோராமாவை (ஸ்பெ யின்) எதிர் கொண்டார்.

இதில் ஸ்வியாடெக் 6-2, 6-0 என்ற நேர் செட் கணக்கில் வென்று 3-வது சுற்றுக்கு தகுதி பெற்றார்.