தொழில்நுட்பம்
4ஜி எல்டிஇ வசதி கொண்ட ஹூவாய் வாட்ச் 2 மற்றும் வாட்ச் 2 கிளாசிக் ஸ்மார்ட்வாட்ச்கள் அறிமுகம்
ஹூவாய் P10 மற்றும் P10 பிளஸ் ஸ்மார்ட்போன்களை தொடர்ந்து ஹூவாய் வாட்ச் 2 மற்றும் வாட்ச் 2 கிளாசிக் ஸ்மார்ட் வாட்ச்களை அறிமுகம் செய்துள்ளது.
ஹூவாய் நிறுனத்தின் இரண்டு புதிய ஸ்மார்ட்வாட்ச்கள் அறிமுகம் செய்யப்பட்டுள்ளன. ஹூவாய் வாட்ச் 2 மற்றும் வாட்ச் 2 கிளாசிக் என பெயரிடப்பட்டுள்ள இந்த ஸ்மார்ட்வாட்ச்களில் செல்லுலார் கனெக்டிவிட்டி, ஆண்ட்ராய்டு பே வசதி வழங்கப்பட்டுள்ளது. ஹூவாய் வாட்ச் 2 EUR 329 அதாவது இந்திய மதிப்பில் ரூ.23,200 என நிர்ணயம் செய்யப்பட்டுள்ளதோடு ஆண்ட்ராய்டு வியர் 2.0 இயங்குதளம் வழங்கப்பட்டுள்ளது. முதற்கட்டமாக 20 நாடுகளில் விற்பனைக்கு வர இருக்கும் ஹூவாய் வாட்ச் 2 மார்ச் மாதம் துவங்குகிறது.
முன்னதாக ஹூவாய் வாட்ச் 2015 ஆம் ஆண்டு அறிமுகம் செய்யப்பட்டது. ஆண்ட்ராய்டு 2.0 இயங்குதளம் வழங்கப்பட்டுள்ளதால் பல்வேறு புதிய அம்சங்களும், வசதிகளும் வழங்கப்பட்டுள்ளது. எல்டிஇ, நானோ சிம் கார்டு வசதி, என்எஃப்சி, ஜிபிஎஸ் உள்ளிட்ட அம்சங்கள் வழங்கப்பட்டுள்ளது.
ஹூவாய் வாட்ச் 2 கிளாசிக் மாடலில் மெட்டல் சேசிஸ், வாட்ச் 2 பிளாஸ்டிக் மூலம் வடிவமைக்கப்பட்டுள்ளது. இரு வாட்ச்களிலும் 1.2 இன்ச் வட்ட வடிவ டிஸ்ப்ளே, 420 எம்ஏஎச் பேட்டரி வழங்கப்பட்டுள்ளது. இந்த பேட்டரி இரண்டு நாட்களுக்கு பேக்கப் வழங்கும் என தெரிவிக்கப்பட்டுள்ளது.
இத்துடன் மைக்ரோபோன், ஸ்பீக்கர் மற்றும் இரண்டு பிரத்தியேக பட்டன்கள் வழங்கப்பட்டுள்ளது. ஸ்டிராப்களை மாற்றிக் கொள்ளும் வசதி மற்றும் IP68 வாட்டர் ரெசிஸ்டண்ட் வசதி வழங்கப்பட்டுள்ளது.