தொழில்நுட்பம்
கம்ப்யூடெக்ஸ் 2017: அசுஸ் க்ரோம்புக் ப்ளிப் அறிமுகம்
அசுஸ் நிறுவனத்தின் மேம்படுத்தப்பட்ட க்ரோம்புக் ப்ளிப் சாதனம் சமீபத்தில் நடைபெற்ற கம்ப்யூடெக்ஸ் 2017 விழாவில் அறிமுகம் செய்யப்பட்டுள்ளது. 2015-இல் வெளியிடப்பட்ட க்ரோம்புக் ப்ளிப் மேம்படுத்தப்பட்ட மாடலின் சிறப்பம்சங்களை தொடர்ந்து பார்ப்போம்.
தைபே:
அசுஸ் நிறுவனத்தின் மேம்படுத்தப்பட்ட க்ரோம்புக் ப்ளிப் சாதனம் தைபேவில் நடைபெற்ற கம்ப்யூடெக்ஸ் 2017 விழாவில் அறிமுகம் செய்யப்பட்டுள்ளது. முன்னதாக 2015-இல் அறிமுகம் செய்யப்பட்ட க்ரோம்புக் ப்ளிப் லேப்டாப்பில் இம்முறை யுஎஸ்பி டைப்-சி போர்ட் வழங்கப்பட்டுள்ளது.
புதிய மாடல் அசுஸ் க்ரோம்புக் ப்ளிப் சி101 என அழைக்கப்படுகிறது, 10.0 இன்ச் டிஸ்ப்ளே ARM-சார்ந்த ராக்சிப் 3288-சி பிராசஸர் வழங்கப்பட்டுள்ளது. இரண்டு யுஎஸ்பி டைப்-சி போர்ட், மைக்ரோ எஸ்டி ஸ்லாட் கொண்டுள்ள க்ரோம்புக் சாதனத்தில் ஹெட்போன் ஜாக் ஒன்றும் வழங்கப்பட்டுள்ளது.
புதிய க்ரோம்புக் சாதனங்களில் கூகுள் பிளே ஸ்டோர் வசதியும் வழங்கப்படும் என கூறப்படும் நிலையில், இதன் விலை மற்றும் விற்பனை சார்ந்து எவ்வித தகவலும் வழங்கப்படவில்லை. முன்னதாக வெளியான க்ரோம்புக் போன்றே புதிய மாடல்களும் நல்ல வரவேற்பை பெறும் என எதிர்பார்க்கப்படுகிறது.