பஸ்சில் சிவா எம்.எல்.ஏ. பயணம் செய்த காட்சி.
- புதுவை அரசின் சாலை போக்குவரத்துக் கழகம் மூலம் புதுவையில் இருந்து கொம்பாக்கம், ஒதியம்பட்டு, வில்லியனூர் வழியாக பத்துக்கண்ணு வரை 12–ஏ எண் கொண்ட பஸ் இயக்கப்பட்டு வந்தது.
- இதனையடுத்து சிவா போக்குவரத்து துறை அமைச்சர் மற்றும் அதிகாரிகளை தொடர்பு கொண்டு பஸ் இயக்க வலியுறுத்தினார்.
புதுச்சேரி:
புதுவை அரசின் சாலை போக்குவரத்துக் கழகம் மூலம் புதுவையில் இருந்து கொம்பாக்கம், ஒதியம்பட்டு, வில்லியனூர் வழியாக பத்துக்கண்ணு வரை 12–ஏ எண் கொண்ட பஸ் இயக்கப்பட்டு வந்தது.
கடந்த 2 ஆண்டுகளாக அந்த பஸ் இயக்கப்படவில்லை. இதனால் கொம்பாக்கம், ஒதியம்பட்டு மற்றும் வில்லியனூரைச் சேர்ந்த பொதுமக்கள் மற்றும் சிறு வியாபாரிகள் பாதிப்பிற்கு உள்ளாகினர்.
இது குறித்து எதிர்க்கட்சித் தலைவர் சிவாவிடம் முறையிட்டனர். இதனையடுத்து சிவா போக்குவரத்து துறை அமைச்சர் மற்றும் அதிகாரிகளை தொடர்பு கொண்டு பஸ் இயக்க வலியுறுத்தினார்.
அதனடிப்படையில் பஸ் மீண்டும் இன்று காலை இயக்கப்பட்டது. வில்லியனூர் திருக்காமீஸ்வரர் கோவிலில் இருந்து தொடங்கிய பஸ் சேவையை எதிர்க்கட்சித் தலைவர் சிவா கொடியசைத்து தொடங்கி வைத்து மக்களுடன் பயணம் செய்தார். மேலும் இன்று ஒரு நாள் முழுவதும் இந்த பேருந்தில் பொதுமக்கள் இலவசமாக பயணம் செய்ய சீட்டுக்கான முழு கட்டணத்தையும் எதிர்கட்சி தலைவர் சிவா நடத்துனரிடம் வழங்கினார்.
நிகழ்ச்சியில் சாலை போக்குவரத்துக் கழக மேலான் இயக்குனர் சிவக்குமார், பொது மேலாளர் ஏழுமலை, உதவி மேலாளர் குழந்தைவேலு, பணி கட்டுப்பாட்டாளர் திருவேங்கடம், பி.ஆர்.டி.சி. தொ.மு.ச. சங்க செயலாளர் ராஜேந்திரன், தலைவர் திருகுமரன், வில்லியனூர் தொகுதி தி.மு.க. செயலாளர் ராமசாமி, விவசாய அணி அமைப்பாளர் சோமு , உள்ளிட்ட பலர் கலந்து கொண்டனர்.