சர்வதேச சுற்றுலா தினம் கொண்டாட்டம்

புதுச்சேரி:

சர்வதேச சுற்றுலா தினத்தை முன்னிட்டு புதுவை அரிக்கன்மேடு பகுதிக்கு ஒரு நாள் சுற்றுலாவை அரிக்கமேடு ஆராய்ச்சி இயக்கம் ஏற்பாடு செய்து இருந்தது. பள்ளி மாணவர்களுக்கு சுற்றுச்சூழல், வரலாறு மற்றும் தொல்லியல் தொடர்பான வரலாற்றுக் கருத்தரங்கமாக நடைபெற்ற நிகழ்ச்சியில் ஆசிரியர் அன்பு நிலவன் வரவேற்புரை ஆற்றினார்.

புதுவை இயற்கை கழக இயக்குனர் அருண் நாகலிங்கம் சுற்றுலாவின் முக்கியத்துவம் மற்றும் மேற்கொள்ள வேண்டியதன் அவசியம் குறித்து நோக்க உரை ஆற்றினார். சிறப்பு விருந்தினராக புதுவை அருங்காட்சியக இயக்குனர் அறிவன் சிறப்புரையாற்றினார்.

அரிக்கமேடு சுற்றியுள்ள பகுதிகள், உரைகிணறுகள், சுவர்கள் மற்றும் ஆற்றுப்பகுதி உள்ளிட்ட இடங்களுக்கு பள்ளி மாணவர்கள் அழைத்து செல்லப்பட்டு, அதன் சிறப்புகள் குறித்து ஆராய்ச்சியாளர் ரமேஷ் விளக்கமளித்தார். சங்க இலக்கிய ஆய்வாளர் சுமித்ரா நன்றி கூறினார். ஆசிரியை தேவிதனம் நிகழ்ச்சியை ஒருங்கிணைத்தார்.