அரசு பள்ளியில் அறிவியல் கண்காட்சி

புதுச்சேரி:

பாகூர் தொகுதி மணப்பட்டு அரசு நடுநிலைப் பள்ளியில் பள்ளி அளவிலான அறிவியல் கண்காட்சி நடைபெற்றது.

பள்ளியின் தலைமை ஆசிரியர் பழனிசாமி தலைமை தாங்கினார். கண்காட்சியை ஓய்வு பெற்ற துணை முதல்வர் சண்முகமுருகன் திறந்து வைத்து மாணவர்களின் அனைத்து படைப்புகளையும் பார்வை யிட்டு பாராட்டினார்.

கண்காட்சியில் மாணவர்களின் 96 படைப்புகள் காட்சிக்கு வைக்கப்பட்டிருந்தது.அறிவியல் கண்காட்சிக்கான ஏற்பாடுகளை அறிவியல் ஆசிரியர் ஜெயசுந்தர், தென்னரசு, சசிக்குமார், சுமதிராகவன், பாவாடைசாமி, வினோத், சதீஷ், பாலிவிஜய், வினோத், வெங்கடேசன், சரிதா, செல்வபிருந்தா உள்ளிட்டோர் செய்து இருந்தனர்.