செய்திகள்
உலக கோப்பை கிரிக்கெட் தொடரிலிருந்து ஸ்டெயின் விலகல்- ஹென்றிக்ஸ் இடம்பெற வாய்ப்பு
காயம் காரணமாக தென் ஆப்பிரிக்க அணியின் வேகப்பந்து வீச்சாளர் டேல் ஸ்டெயின் உலக கோப்பை கிரிக்கெட் தொடரில் விளையாடமாட்டார் என தெரிவிக்கப்பட்டுள்ளது.
லண்டன்:
உலக கோப்பை கிரிக்கெட் தொடரில் தென் ஆப்பிரிக்க அணி விளையாடிய இரண்டு போட்டியிலும் தோல்வியை சந்தித்தது உள்ளது.
இந்நிலையில், அந்த அணிக்கு மேலும் ஒரு பின்னடைவாக, அணியின் முன்னணி வேகப்பந்து வீச்சாளர் டேல் ஸ்டெயின் காயம் அடைந்துள்ளார். உலக கோப்பை கிரிக்கெட் பயிற்சி போட்டியின் போதே, தோள்பட்டை காயம் காரணமாக பங்கேற்கவில்லை. தற்போது உலக கோப்பை கிரிக்கெட் தொடரிலிருந்து தென் ஆப்பிரிக்க அணியின் டேல் ஸ்டெயின் விலககி உள்ளார். இது அந்த அணிக்கு பின்னடைவாக கருதப்படுகிறது.
டேல் ஸ்டெயின்க்கு பதிலாக இடது கை வேகப்பந்து வீச்சாளர் ஹென்றிக்ஸ் அணியில் இடம்பெற வாய்ப்புள்ளது என கூறப்படுகிறது இருப்பினும் டேல் ஸ்டெயினுக்கு பதிலாக மாற்று ஆட்டக்காரர் அணியில் சேர்க்கப்படுவதற்கு முன்னர், அதிகாரப்பூர்வமாக தொழில்நுட்ப குழுவின் ஒப்புதல் பெற வேண்டும் என்பது குறிப்பிடதக்கது.
இந்நிலையில் நாளை இந்திய அணிக்கு எதிராக தென் ஆப்பிரிக்க அணி விளையாடவுள்ளது. இதில் டேல் ஸ்டெயின் விளையாடதது இந்திய அணிக்கு சாதகமக கருதப்படுகிறது.