23 எம்பி பிரைமரி கேமரா கொண்ட அசுஸ் சென்போன் V ஸ்மார்ட்போன்

புதுடெல்லி:

அசுஸ் நிறுவனத்தின் புதிய ஸ்மார்ட்போன் அமெரிக்காவில் வெளியிடப்பட்டுள்ளது. சென்போன் V என அழைக்கப்படும் புதிய ஸ்மார்ட்போன் 384 டாலர்கள் அதாவது இந்திய மதிப்பிலி ரூ.25,100 என நிர்ணயம் செய்யப்பட்டுள்ளது.

சஃப்பையர் பிளாக் நிறம் கொண்டுள்ள சென்போன் V கைரேகை ஸ்கேனர் மற்றும் ஸ்மட்ஜ் ரெசிஸ்டண்ட் வசதி கொண்டுள்ளது. சென்மோஷன் அம்சம் கொண்டுள்ள சென்போன் V ஜெஸ்ட்யூர்களை பயன்படுத்த வழி செய்கிறது. ஸ்கிரீனினை இருமுறை தட்டினால் லாக் அல்லது அன்லாக் செய்ய முடியும். இதேபோல் ஜெஸ்ட்யூர் கொண்டு செயலிகளை இயக்க முடியும்.  



அசுஸ் சென்போன் V சிறப்பம்சங்கள்:

- 5.2 இன்ச் ஃபுல் எச்டி 1080 பிக்சல் AMOLED டிஸ்ப்ளே, 2.5D வளைந்த கிளாஸ் டிஸ்ப்ளே
- 2.15 ஜிகாஹெர்ட்ஸ் குவால்காம் ஸ்னாப்டிராகன் குவாட்கோர் பிராசஸர்
- அட்ரினோ 530 GPU கிராஃபிக்ஸ்
- 4 ஜிபி ரேம்
- 32 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- 23 எம்பி பிரைமரி கேமரா, f/2.0 அப்ரேச்சர்
- 8 எம்பி செல்ஃபி கேமரா, f/2.0 அப்ரேச்சர்
- 3000 எம்ஏஎச் பேட்டரி

புதிய சென்ஃபோன் V ZenUI 3.0 சார்ந்த ஆண்ட்ராய்டு 7.0 நௌக்கட் இயங்குதளம், 4ஜி எல்டிஇ, ப்ளூடூத் 4.2, யுஎஸ்பி டைப்-சி போர்ட் உள்ளிட்டவை வழங்கப்பட்டுள்ளது. இத்துடன் ஹோம் பட்டனில் கைரேகை ஸ்கேனர் வசதியும் வழங்கப்பட்டுள்ளது.