தமிழ்நாடு செய்திகள்
மேட்டூர் அணைக்கு 1,466 கனஅடி நீர்வரத்து
- ஒகேனக்கல் காவிரியில் வரும் நீரின் அளவு விநாடிக்கு 2 ஆயிரம் கன அடியாக தொடர்ந்து நீடிக்கிறது.
- மேட்டூர் அணையின் நீர்மட்டம், நேற்று 103.74 அடியாக இருந்த நிலையில், இன்று காலை 103.75 அடியானது.
மேட்டூர்:
காவிரி நீர்ப்பிடிப்பு பகுதிகளில் பெய்யும் மழையை பொறுத்து, ஒகேனக்கல், மேட்டூர் அணைக்கான நீர்வரத்து அவ்வப்போது அதிகரிப்பதும், சரிவதுமாக இருந்து வருகிறது.
ஒகேனக்கல் காவிரியில் வரும் நீரின் அளவு விநாடிக்கு 2 ஆயிரம் கன அடியாக தொடர்ந்து நீடிக்கிறது.
அதே சமயம், மேட்டூர் அணைக்கு நேற்று முன்தினம் விநாடிக்கு 1,466 கன அடியாக இருந்த நீர்வரத்து, நேற்று காலை நிலவரப்படி விநாடிக்கு 1,454 கன அடியாக சரிந்தது. இந்த நிலையில் இன்று காலை சற்று அதிகரித்து விநாடிக்கு 1,466 கனஅடியாக தண்ணீர் வந்து கொண்டிருக்கிறது.
அணையில் இருந்து குடிநீர் தேவைக்காக விநாடிக்கு ஆயிரம் கனஅடி தண்ணீர் திறக்கப்பட்டு வருகிறது. அணையின் நீர்மட்டம், நேற்று 103.74 அடியாக இருந்த நிலையில், இன்று காலை 103.75 அடியானது.