செய்திகள்
பா.ஜனதா முதல்-அமைச்சர் வேட்பாளர் என கோஷமிட்டு அமைச்சர் நமச்சிவாயத்திற்கு வரவேற்பு
மண்ணாடிப்பட்டு கூட்டுறவு பால் உற்பத்தியாளர் சங்க தலைவர் தமிழ்மணி தனது பிறந்த நாளை கொண்டாடினார். அப்போது விழாவிற்கு வந்த அமைச்சர் நமச்சிவாயத்தை பா.ஜனதா முதல்- அமைச்சர் என கோஷமிட்டு வரவேற்றனர்.
புதுச்சேரி:
புதுவை மண்ணாடிப்பட்டு கூட்டுறவு பால் உற்பத்தியாளர் சங்க தலைவர் தமிழ்மணி. அமைச்சர் நமச்சிவாயத்தின் ஆதரவாளரான இவர் தனது பிறந்தநாளை மண்ணாடிப்பட்டு பகுதியில் கொண்டாடினார். விழாவில் அமைச்சர் நமச்சிவாயம் பங்கேற்றார்.
அப்போது விழாவிற்கு வந்த அமைச்சர் நமச்சிவாயத்தை, அவரது ஆதரவாளர்கள் வருங்கால முதல்- அமைச்சர் நமச்சிவாயம், புதுவையில் தாமரை ஆட்சி மலரும், பா.ஜனதா முதல்- அமைச்சர் வேட்பாளர் வாழ்க என கோஷமிட்டு வரவேற்றனர். மேலும் சிலர் அமைச்சருக்கு பா.ஜனதா கட்சி காவி துண்டு அணிவித்து, புகைப்படம் எடுத்துக் கொண்டனர்.
அதுமட்டுமன்றி, அப்பகுதியில் வைக்கப்பட்டிருந்த 20-க்கும் மேற்பட்ட பேனர்களில் அமைச்சர் நமச்சிவாயத்தின் படத்தை தவிர, காங்கிரஸ் கட்சி தலைவர்கள் யாருடைய படமும் இடம் பெறவில்லை என்பது குறிப்பிடதக்கது.