செய்திகள்
திருவண்ணாமலை அருணாசலேஸ்வரர் கோவிலில் நடிகை கவுதமி சாமி தரிசனம்
நடிகை கவுதமி நேற்று திருவண்ணாமலை அருணாசலேஸ்வரர் கோவிலுக்கு சென்று அண்ணாமலையார் மற்றும் உண்ணாமலையம்பாள் சன்னதிகளுக்கு சென்று சாமி தரிசனம் செய்தார்.
திருவண்ணாமலை:
நடிகை கவுதமி நேற்று திருவண்ணாமலைக்கு வந்தார். திருவண்ணாமலை அருணாசலேஸ்வரர் கோவிலுக்கு சென்று அண்ணாமலையார் மற்றும் உண்ணாமலையம்பாள் சன்னதிகளுக்கு சென்று சாமி தரிசனம் செய்தார்.
பின்னர் நவக்கிரகங்களை சுற்றி வந்து நெய் விளக்கேற்றி வழிபட்டார். கோவில் நிர்வாகம் சார்பில் அவருக்கு பிரசாதம் வழங்கப்பட்டது.
இது குறித்து கவுதமியிடம் கேட்டபோது, வெகு நாட்களாக ‘‘அண்ணாமலையார் சன்னதிக்கு வர வேண்டும் என்று நினைத்து இருந்தேன். தற்போது தான் அதற்கான கால சூழ்நிலை அமைந்தது’’ என்றார்.
பின்னர் அவர் அவங்கிருந்து புறப்பட்டு காரில் கிரிவலப்பாதையில் உள்ள ஆசிரமங்களுக்கு சென்று வழிபட்டார். தொடர்ந்து கிரிவலம் சென்றார்.