சென்னை விமான நிலையத்தில் 66-வது முறையாக கண்ணாடி உடைந்து விழுந்தது

ஆலந்தூர்:

சென்னை விமான நிலையத்தில் கண்ணாடி கதவு, மேற்கூரை, தடுப்பு கண்ணாடிகள் உடைந்து விழும் சம்பவம் அடிக்கடி நடந்து வருகிறது. அதிகாரிகள் ஆய்வு செய்தும் கண்ணாடி உடைந்து விழுவது நிற்கவில்லை.

இந்த நிலையில் நேற்று நள்ளிரவு 66-வது முறையாக விமான நிலையத்தில் கண்ணாடி உடைந்து விழுந்தது பரபரப்பை ஏற்படுத்தி உள்ளது.

சென்னை பன்னாட்டு விமான முனையம் பயணிகள் செல்லும் பின் பகுதியில் சுமார் 25 அடி உயரத்தில் இருந்து 8 அடி நீளம் 4 அடி அகலம் உள்ள கண்ணாடி உடைந்து விழுந்தது. அப்போது பயணிகள் யாரும் அங்கு இல்லாததால் அதிர்ஷ்டவசமாக தப்பினர். இதுகுறித்து அதிகாரிகள் விசாரணை நடத்தி வருகிறார்கள்.