சுவிஸ் ஓபன் பேட்மிண்டன்: தமிழக வீரர் சங்கர் முத்துசாமி காலிறுதிக்கு முன்னேற்றம்

பாசெல்:

சுவிட்சர்லாந்து ஓபன் பேட்மிண்டன் போட்டி பாசெலில் நடந்து வருகிறது. ஆண்கள் ஒற்றையர் பிரிவில் இன்று நடந்த 2-ம் சுற்று ஆட்டம் ஒன்றில் தமிழக வீரர் சங்கர் முத்துசாமி- டென்மார்க்கின் ஆண்டர்ஸ் அன்டன்சனுடன் மோதினர்.

இதில் சங்கர் முத்துசாமி 18-21,21-12,21-5 என்ற செட் கணக்கில் வெற்றி பெற்று கால்இறுதிக்கு முன்னேறினார். அவர் கால்இறுதியில் பிரான்சை சேர்ந்த சி.போபோவ்வுடன் மோதுகிறார்.

மற்றொரு ஆட்டத்தில் இந்திய வீரர் ஸ்ரீகாந்த் 15-21, 11-21 என்ற நேர்செட் கணக்கில் சீனாவின் லி ஷிபெங்கிடம் தோல்வி அடைந்தார். அதேபோல் மற்றொரு இந்திய வீரரான பிரியான்ஷு ராஜாவத் 15-21, 17-21 என்ற செட் கணக்கில் பிரான்ஸ் வீரர் டி.போபோவ்விடம் வீழ்ந்தார்.