ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்

துப்பாக்கி சுடுதல் ஸ்கீட் 50 பிரிவில் இந்திய ஆண்கள் அணி வெண்கல பதக்கம் வென்றது.

இன்று இரண்டு பதக்கங்களை வென்ற சாம்ரா

துப்பாக்கி சுடுதல் போட்டியில் சாம்ரா அணிகள் பிரிவில் வெள்ளியும், தனிநபர் பிரிவில் தங்கமும் வென்று அசத்தியுள்ளார்.

துப்பாக்கி சுடுதல் ஆண்கள் ஸ்கீட் 50 பிரிவில் ஆனந்த் ஜீத்சிங் நருகா இறுதிப்போட்டிக்கு முன்னேறியுள்ளார். இந்திய நேரப்படி பிற்பகல் 1 மணிக்கு போட்டி நடைபெறுகிறது.

50மீ ரைபிள் 3 பொசிஷன் பெண்கள் அணியில் இறுதிப்போட்டியில் சிஃப்ட் கௌர் சாம்ரா 469.6 புள்ளிகள் பெற்று தங்கப் பதக்கம் வென்றார். சீனா வீராங்கனை 462.3 புள்ளிகள் பெற்று வெள்ளி வென்றார். இந்திய வீராங்கனை ஆஷி சோக்ஷிக் 451.9 புள்ளிகள் பெற்று வெண்கலம் வென்றார்.

நீச்சல்: 100 மீ பிரஸ்ட் ஸ்ட்ரோக் போட்டியில் 16 வயதான இந்திய இளம் வீராங்கனை லினிஷா 1:15.60 நேரத்தில் கடந்து 18-வது இடத்தை பிடித்து ஏமாற்றம் அடைந்தார்.

ஸ்குவாஷ் மகளிர் அணி பிரிவு: இந்தியா தனது 2வது குரூப் ஸ்டேஜ் மோதலில் நேபாளத்தை 3-0 என்ற கேம் கணக்கில் வீழ்த்தியது. அனாஹத், ஜோஷ்னா மற்றும் தீபிகா ஆகியோர் அந்தந்த போட்டிகளை 3-0 என்ற கணக்கில் எளிதாக வென்றனர்.

50மீ ரைபிள் 3 பொசிஷன் பெண்கள் அணியில் சிஃப்ட் - ஆஷி ஆகியோர் இறுதிப்போட்டியில் விளையாடி வருகின்றனர்.இதில் இவர்கள் தங்கம் அல்லது வெல்வார்களா என்பதை பொறுத்திருந்து பார்ப்போம்...

நீச்சல்: 200 மீட்டர் ஃப்ரீஸ்டைல் போட்டியில் ஹீட்டில் 4 வது இடத்தையும் ஒட்டுமொத்தமாக 10 வது இடத்தையும் பிடித்து ஸ்ரீஹரி நடராஜ் இறுதிப்போட்டி வாய்ப்பை இழந்தார். இருந்தாலும் ரிசர்வ் முறையில் காத்திருக்கிறார். 2 வீரர்கள் விளையாடவில்லை என்றால் வாய்ப்பு கிடைக்கும்.

25 மீட்டர் பிஸ்டல் ரேபிட் பிரிவில் இந்திய மகளிர் அணியினர் மனு பாக்கர், இஷா சிங் மற்றும் ரிதம் சங்வான் ஆகிய மூவரும் அணிகள் பிரிவில் 1759 புள்ளிகள் பெற்று தங்கம் வென்றனர். மேலும் இதே பிரிவில் மூன்று பேரும் இறுதிப் போட்டிக்கு முன்னேறினர்.

நீச்சல்: 100மீ பேக்ஸ்ட்ரோக்கில் மானா படேல் 1:03.55 வினாடிகளில் ஹீட்டில் 4வது இடத்தைப் பிடித்தார். ஒட்டுமொத்தமாக 13வது இடத்தை பிடித்து இறுதிப்போட்டிக்கான வாய்ப்பை இழந்தார்.