அமெரிக்க ஓபன் டென்னிஸ் - நான்காவது சுற்றுக்கு முன்னேறினார் ஜோகோவிச்

நியூயார்க்:

கிராண்ட்சிலாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நடைபெற்று வருகிறது. ஆண்கள் ஒற்றையர் பிரிவில் நடந்த 3-வது சுற்று ஆட்டம் ஒன்றில் உலகின் முதல் நிலை வீரரான செர்பியாவை சேர்ந்த நோவக் ஜோகோவிச்சும், ஜப்பானைச் சேர்ந்த நிஷிகோரியும் மோதினார்கள்.

முதல் செட்டை 7-6 என நிஷிகோரி கைப்பற்றினார். இதனால் சுதாரித்துக் கொண்ட ஜோகோவிச் இரண்டாவது செட்டை 6-3, மூன்றாவது செட்டை 6-3 , நான்காவது செட்டை 6-2 என கைப்பற்றி அசத்தினார்.

இறுதியில், ஜோகோவிச் 6-7, 6-3, 6-3, 6-2 என்ற செட் கணக்கில் வென்று நான்காவது சுற்றுக்கு முன்னேறினார்.