செய்திகள்
ஆண்கள் 400மீ தடைதாண்டுதல் ஓட்டம்: மிகப்பெரிய உலக சாதனையுடன் நார்வே வீரர் தங்கம் வென்றார்
ஆண்களுக்கான 400மீ தடைதாண்டுதல் ஓட்டம் போட்டியில் நார்வே வீரர் 45.94 வினாடிகளில் பந்தய தூரத்தை கடந்து தங்கப்பதக்கம் வென்றார்.
டோக்கியோ ஒலிம்பிக்கில் ஆண்களுக்கான 400மீ தடைதாண்டுதல் ஓட்டத்தின் இறுதிச்சுற்று இன்று நடைபெற்றது. இதில் 8 வீரர்கள் கலந்து கொண்டனர். இதில் நார்வே வீரர் கார்ஸ்டன் வார்ஹோல்ம் பந்தய தூரத்தை 45.94 வினாடிகளில் கடந்து தங்கப்பதக்கம் வென்றார்.
அத்துடன் உலக சாதனையையும் படைத்தார். இதற்கு முன் கடந்த மாதம் இவர்தான் 46.70 வினாடிகளில் பந்தய தூரத்தை கடந்து உலக சாதனைப் படைத்திருந்தார். தற்போது அவரது சாதனையை அவரே முறியடித்துள்ளார்.