செய்திகள்
ஹாட்ரிக் அரைசதத்துடன் ஆரஞ்ச் தொப்பியை கைப்பற்றினார் டு பிளிஸ்சிஸ்
சன்ரைசர்ஸ் ஐதராபாத் அணிக்கெதிராக 56 ரன்கள் விளாசியதன் மூலம், தவானை விட ஐந்து ரன்கள் முன்னிலைப் பெற்று ஆரஞ்ச் தொப்பியை கைப்பற்றினார் டு பிளிஸ்சிஸ்.
ஐபிஎல் 2021 கிரிக்கெட் தொடரில் சென்னை சூப்பர் கிங்ஸ் அணியின் தொடக்க பேட்ஸ்மேனான டு பிளிஸ்சிஸ் அபாரமான ஆட்டத்தை வெளிப்படுத்தி வருகிறார். இதுவரை 6 போட்டிகளில் இரண்டு முறை ஆட்டமிழக்காமல் 270 ரன்கள் குவித்துள்ளார். இன்று நடைபெற்ற சன்ரைசர்ஸ் ஐதராபாத் அணிக்கெதிராக 56 ரன்கள் விளாசினார். இதன்மூலம் கடைசியாக விளையாடிய மூன்று போட்டிகளிலும் அரைசதம் விளாசி அசத்தினார்.
இத்தொடரில் தவான் 6 போட்டிகளில் 265 ரன்கள் விளாசி ஆரஞ்ச் தொப்பியை தன்வசம் வைத்திருந்தார். அதை இன்று டு பிளிஸ்சிஸ் கைப்பற்றியுள்ளார்.