செய்திகள்
மும்பை இந்தியன்ஸ்-ஐ இப்படியொரு மோசமான சாதனைக்குள் தள்ளிய சேப்பாக்கம் மைதானம்
பஞ்சாப் கிங்ஸ் அணிக்கெதிராக மூன்றாவது முறையாக பவர்பிளேயில் குறைந்த ரன்கள் அடித்து மோசமான சாதனைக்குள்ளாகியது மும்பை இந்தியன்ஸ்.
மும்பை இந்தியன்ஸ்- பஞ்சாப் கிங்ஸ் அணிகளுக்கு இடையிலான ஐபிஎல் தொடரின் 17-வது ஆட்டம் சென்னை சேப்பாக்கம் மைதானத்தில் நடைபெற்றது. ஆடுகளம் மிகவும் மந்தமாக இருப்பதால் பேட்ஸ்மேன்கள் ரன்கள் அடிப்பதற்கு திண்டாடி வருகின்றனர்.
புதுப்பந்தில் முதல் 6 ஓவரில் ரன்கள் அடித்ததால்தான் உண்டு. இல்லையெனில் கஷ்டப்பட வேண்டியநிலை ஏற்படும். இன்று மும்பை இந்தியன்ஸ் டாஸ் தோற்று முதலில் பேட்டிங் செய்தது. பஞ்சாப் அணியின் பந்து வீச்சை மும்பை இந்தியன்ஸ் பேட்ஸ்மேன்கள் எதிர்கொள்ள திணறினார்கள்.
டி காக் 5 பந்தில் 3 ரன்கள் மட்டுமே அடித்தார். அடுத்து வந்த இஷான் கிஷன் ஆமை வேகத்தில் விளையாடினார். ரோகித் சர்மாவினாலும் அதிரடி ஆட்டத்தை வெளிப்படுத்த முடியவில்லை. இதனால் பவர் பிளே-யான முதல் 6 ஓவரில் 1 விக்கெட் இழப்பிற்கு 21 ரன்கள் மட்டுமே எடுத்தது. ரோகித் சர்மா 16 பந்தில் 13 ரன்கள் எடுத்தார். இஷான் கிஷன் 15 பந்தில் 5 ரன்கள் எடுத்தார்.
இந்த சீசனில் பவர் பிளேயில் குறைந்த ஸ்கோர் இதுவாகும். மேலும், ஒட்டுமொத்த ஐபிஎல் வரலாற்றில் 4-வது மிகக்குறைந்த ஸ்கோர் ஆகும். இதில் மூன்று முறை பஞ்சாப் அணிக்கெதிராக எடுத்துள்ளது.
மும்பை இந்தியன்ஸ் அணியின் குறைந்த ஸ்கோர் விவரம் வருமாறு:-
வ.எண் | எதிரணி | ரன்/விக்கெட் | மைதானம் | வருடம் |
1 | பஞ்சாப் | 17/3 | வான்கடே | 2015 |
2 | பஞ்சாப் | 21/2 | வி.பட்டனம் | 2016 |
3 | ஆர்சிபி | 21/4 | பெங்களூரு | 2017 |
4 | பஞ்சாப் | 21/1 | சென்னை | 2021 (இன்று) |