ஐ.பி.எல்.லில் அதிக விக்கெட் - மலிங்காவை நெருங்கும் அமித் மிஸ்ரா
சென்னை:
ஐ.பி.எல். போட்டியில் மும்பை அணிக்கு எதிரான ஆட்டத்தில் டெல்லி அணி வெற்றிபெற சுழற்பந்து வீரர் அமித் மிஸ்ரா காரணமாக இருந்தார். அவர் 24 ரன் கொடுத்து 4 விக்கெட் கைப்பற்றினார்.
38 வயதான அமித் மிஸ்ரா ஐ.பி.எல். போட்டிகளில் இதுவரை 164 விக்கெட் (152 இன்னிங்ஸ்) கைப்பற்றி உள்ளார். அவர் அதிக விக்கெட் எடுத்த வீரர்களில் 2-வது இடத்தில் உள்ளார். மலிங்கா 170 விக்கெட்டுகளுடன் (122 இன்னிங்ஸ்) முதல் இடத்தில் உள்ளார்.
தற்போது மலிங்காவை அமித் மிஸ்ரா நெருங்கி உள்ளார். அவருக்கு இன்னும் 7 விக்கெட்டுகளே தேவை. மலிங்கா ஓய்வு பெற்று விட்டதால், இந்த சீசனிலேயே அமித் மிஸ்ரா, மலிங்காவை முந்தி முதல் இடத்தை பிடிப்பார்.
ஐ.பி.எல். போட்டியில் அதிக விக்கெட் கைப்பற்றிய டாப்-5 வீரர்கள் வருமாறு:-
1. மலிங்கா-170 விக்கெட்.
2. அமித் மிஸ்ரா -164 விக்கெட்.
3. பிராவோ -156 விக்கெட்.
4. பியூஸ் சாவ்லா -156 விக்கெட்.
5. ஹர்பஜன் சிங் -150 விக்கெட்.