செய்திகள்
பிளே-ஆப்ஸ் சுற்றில் ஹிட்மேன் ரோகித் சர்மா இவ்வளவு மோசமா.....
மும்பை இந்தியன்ஸ் அணிக்கு நான்கு முறை ஐ.பி.எல். சாம்பியன் கோப்பையை வென்று கொடுத்த ரோகித் சர்மா, பிளேஆஃப்ஸ் சுற்றில் மோசமான ஆட்டத்தை வெளிப்படுத்தியுள்ளார்.
ஐபிஎல் தொடரின் முதல் குவாலிபையர் துபாயில் நேற்று நடைபெற்றது. மும்பை இந்தியன்ஸ் அணி முதலில் பேட்டிங் செய்தது. 2-வது ஓவரை அஸ்வின் வீசினார். இந்த ஓவரின் ரோகித் சர்மா தான் சந்தித்த முதல் பந்திலேயே கோல்டன் டக்அவுட் ஆகி ஏமாற்றம் அளித்தார்.
இது பிளேஆஃப்ஸ் சுற்று மற்றும் நாக்அவுட் போட்டிகளில் அவரின் 3-வது டக்அவுட் இதுவாகும். மேலும் பிளேஆஃப்ஸ் சுற்றில் ரோகித் சர்மா பெரிதாக ஜொலித்தது கிடையாது.
இதுவரை 19 இன்னிங்சில் விளையாடி 229 ரன்களே அடித்துள்ளார். சராசரி 12.72 ஆகும். ஒரேயொரு முறை மட்டுமே 30 ரன்னைக் கடந்துள்ளார்.
நேற்றைய போட்டியில் சூர்யகுமார் யாதவ், இஷான் கிஷன் அரைசதமும், ஹர்திக் பாண்ட்யா அதிரடி ஆட்டத்தையும் வெளிப்படுத்த மும்பை இந்தியன்ஸ் 200 ரன்கள் அடித்து, 57 ரன் வித்தியாசத்தில் வெற்றி பெற்றது.