செய்திகள்
பென் ஸ்டோக்ஸ்

வெஸ்ட் இண்டீஸ்க்கு எதிரான முதல் டெஸ்ட்: இங்கிலாந்து அணியில் மொயீன் அலி, பேர்ஸ்டோவ் இல்லை

Published On 2020-07-04 11:33 GMT   |   Update On 2020-07-04 11:33 GMT
வெஸ்ட் இண்டீஸ்க்கு எதிரான முதல் போட்டிக்கான பென் ஸ்டோக்ஸ் தலைமையிலான இங்கிலாந்து அணி அறிவிக்கப்பட்டுள்ளது.
இங்கிலாந்து - வெஸ்ட் இண்டீஸ் அணிகளுக்கு இடையிலான முதல் டெஸ்ட் வருகிற 8-ந்தேதி சவுத்தாம்ப்டனில் தொடங்குகிறது. இதற்கான 30 பேர் கொண்ட பயிற்சி அணியை இங்கிலாந்து அணி அறிவித்திருந்தது.

இந்நிலையில் முதல் டெஸ்ட் போட்டிக்கான 13 பேர் கொண்ட அதிகாரப்பூர்வ அணியை இங்கிலாந்து அறிவித்துள்ளது. ஜோ ரூட் இல்லாததால் பென் ஸ்டோக்ஸ் கேப்டனாக நியமிக்கப்பட்டுள்ளார்.

வெஸ்ட் இண்டீஸ்க்கு எதிரான முதல் போட்டிக்கான இங்கிலாந்து அணி வீரர்கள் விவரம்:-

1. பென் ஸ்டோக்ஸ் (கேப்டன்), 2. ஜேம்ஸ் ஆண்டர்சன், 3. ஸ்டூவர்ட் பிராட், 4. ஜாஃப்ரா ஆர்சர், 5. டாம் பெஸ், 6. ரோரி பேர்ன்ஸ், 7. ஜோஸ் பட்லர், 8. ஜாக் கிராவ்லி, 9. ஜோ டென்லி, 10. ஒல்லி போப், 11. டாம் சிப்லி, 12. கிறிஸ் வோக்ஸ், 13. மார்க் வுட்.

ரிசர்வ் வீரர்கள்:-

1. ஜேம்ஸ் பிரேசி, 2. சாம் கர்ரன், 3. பென் ஃபோக்ஸ், 4. டான் லாரன்ஸ், 5. ஜேக் லீச், 6. சாகிப் மெக்மூத், 7. கிரேக் ஓவர்ட்டன், 8. ஒல்லி ராபின்சன், 9. ஒல்லி ஸ்டோன்.



மனைவிக்கு குழந்தை பிறக்க இருப்பதால் ஜோ ரூட் முதல் டெஸ்டில் விளையாடவில்லை. பேர்ஸ்டோவ் மோசமான ஃபார்ம் காரணமாக சேர்க்கப்படவில்லை. தென்ஆப்பிரிக்கா தொடரின்போது உடல்நிலை மோசம் காரணமாக விலகிய ஜேக் லீச் ரிசர்வ் வீரராக தேர்வு செய்யப்பட்டுள்ளார்.

மொயீன் அலி டெஸ்ட் போட்டிக்கு தற்காலிகமாக விடைகொடுத்திருந்தார். தற்போது பயிற்சிக்கான அணியில் இடம்பிடித்திருந்தார். ஆனால் முதல் டெஸ்ட் போட்டிக்கான இங்கிலாந்து அணியில் இடம் கிடைக்கவில்லை.
Tags:    

Similar News