எம்எஸ் டோனிக்கான கிரிக்கெட் இன்னும் உள்ளது: சுரேஷ் ரெய்னா

எம்எஸ் டோனி ஐபிஎல் கிரிக்கெட் போட்டியை நம்பியிருந்தார். ஆனால் ஐபிஎல் தொடர் ஒத்தி வைக்கப்பட்டுள்ளதால் அவர் இந்திய அணிக்கு திரும்புவதற்கான சிக்கல் மேலும் அதிகரித்துள்ளது.

ஆனால் எம்எஸ் டோனிக்கான கிரிக்கெட் இன்னும் உள்ளது என சென்னை சூப்பர் கிங்ஸ் அணியின் நட்சத்திர வீரரான சுரேஷ் ரெய்னா தெரிவித்துள்ளார்.

இதுகுறித்து சுரேஷ் ரெய்னா கூறுகையில் ‘‘எம்எஸ் டோனி சிறப்பாக பேட்டிங் செய்கிறார். அவருக்கான கிரிக்கெட் இன்னும் உள்ளது. அவர் புதுமையாக தோன்றுகிறார். சென்னை சூப்பர் கிங்ஸ் அணிக்கான பயிற்சி ஆட்டத்தில் அவர் அடித்த சில சிக்சர்கள் மிகப்பெரியதாக இருந்தது. சென்னையில் அடித்த வெயிலுக்கு தொடர்ந்து மூன்று மணி நேரம் பேட்டிங் செய்வது எளிதானது அல்லை. நாங்கள் பயிற்சியின்போது பேட்டிங் செய்தோம்’’என்றார்.