ஒயிட் பால் கிரிக்கெட்டில் கவனம் செலுத்த விரும்புகிறேன்: பேட் கம்மின்ஸ்

ஆஸ்திரேலியாவின் முன்னணி வேகப்பந்து வீச்சாளர் பேட் கம்மின்ஸ். டெஸ்ட் போட்டியில் நம்பர் ஒன் பந்து வீச்சாளராக இருக்கும் கம்மின்ஸ், தற்போது ஒருநாள் மற்றும் டி20 கிரிக்கெட் போட்டியில் தொடர்ந்து விளையாடி வருகிறார்.

இந்நிலையில் ஒயிட் பால் கிரிக்கெட்டில் மட்டுமே கவனம் செலுத்த விரும்புகிறேன் என்று பேட் கம்மின்ஸ் தெரிவித்துள்ளார்.

இதுகுறித்து பேட் கம்மின்ஸ் கூறுகையில் ‘‘அதிகமான கிரிக்கெட்டில் விளையாடியுள்ளேன். ஆனால், ஒரு நல்ல விஷயம் என்னவெனில் அதிகமானது ஒயிட்பால் கிரிக்கெட்டுதான். டெஸ்ட் போட்டியை விட அது கொஞ்சம் எளிதாக இருக்கும். கடந்த சில வருடங்களாக எல்லா வகை கிரிக்கெட்டிலும் விளையாடியுள்ளேன்.

ஆனால், ஒயிட் பால் போட்டியை பொறுத்த வரைக்கும் அதிக அளவில் கவனம் செலுத்த முடியும் என உணர்கிறேன். உடல் நான்கு ஓவர்களை மட்டுமே விரும்புகிறது’’ என்றார்.