ஐசிசி தரவரிசை: கேஎல் ராகுல் 2-வது இடத்திற்கு முன்னேற்றம்

நியூசிலாந்து அணிக்கெதிரான ஐந்து போட்டிகள் கொண்ட டி20 கிரிக்கெட் தொடரில் கேஎல் ராகுல் அபாரமான ஆட்டத்தை வெளிப்படுத்தினார். 224 ரன்கள் குவித்த அவர் தொடர் நாயகன் விருதை தட்டிச் சென்றார்.

இந்தத் தொடரில் சிறப்பாக விளையாடியதன் மூலம் ஐசிசி-யின் டி20 பேட்ஸ்மேன் தரவரிசையில் 2-வது இடத்திற்கு முன்னேறியுள்ளார். முதல் இடத்தில் பாகிஸ்தான் வீரர் பாபர் அசாம் உள்ளார். விராட் கோலி 9-வது இடத்தில் நீடிக்கிறார். ரோகித் சர்மா 10-வது இடத்திற்கு முன்னேற்றியுள்ளார்.

பந்து வீச்சு தரவரிசையில் பும்ரா 26 இடங்கள் தாவி 11-வது இடத்தை பிடித்துள்ளார்.