செய்திகள்
சீன் வில்லியம்ஸ், சிக்கந்தர் ராசா பொறுப்பான ஆட்டம் - முதல் நாள் முடிவில் ஜிம்பாப்வே 6 விக்கெட்டுக்கு 352
இலங்கைக்கு எதிரான 2-வது டெஸ்டில் சீன் வில்லியம்ஸ், சிக்கந்தர் ராசாவின் பொறுப்பான ஆட்டத்தால் முதல் நாள் முடிவில் ஜிம்பாப்வே அணி 6 விக்கெட் இழப்புக்கு 352 ரன்கள் எடுத்துள்ளது.
ஹராரே:
ஜிம்பாப்வே அணி இலங்கையில் சுற்றுப்பயணம் செய்து 2 போட்டிகள் கொண்ட டெஸ்ட் தொடரில் விளையாடி வருகிறது. முதல் டெஸ்டில் இலங்கை அணி 10 விக்கெட் வித்தியாசத்தில் வெற்றி பெற்றது.
இந்நிலையில், இரு அணிகளுக்கு இடையிலான இரண்டாவது டெஸ்ட் நேற்று தொடங்கியது. டாஸ் வென்ற் ஜிம்பாப்வே முதலில் பேட்டிங் தேர்வு செய்தது.
அந்த அணியின் தொடக்க ஆட்டக்காரர்கள் சிறப்பான தொடக்கம் தரவில்லை. சீரான இடைவெளியில் விக்கெட்டுகள் வீழ்ந்தன. பிரெண்டன் டெய்லர் அரை சதமடித்து 62 ரன்னில் அவுட்டானார். அப்போது ஜிம்பாப்வே அணி 4 விக்கெட் இழப்புக்கு 133ரன்கள் எடுத்திருந்தது.
அதன்பின் ஜோடி சேர்ந்த கேப்டன் சீன் வில்லியம்ஸ், சிக்கந்தர் ராசா ஜோடி பொறுப்பான ஆட்டத்தை வெளிப்படுத்தியது. பொறுப்பாக ஆடிய சிக்கந்தர் ராசா அரை சதமடித்தார். அவர் 72 ரன்னில் ஆட்டமிழந்தார். இந்த ஜோடி 159 ரன்கள் எடுத்தது. நிதானமாக ஆடிய கேப்டன் சீன் வில்லியம்ஸ் சதமடித்து அசத்தினார். அவர் 107 ரன்னில் வெளியேறினார்.
முதல் நாள் முடிவில் ஜிம்பாப்வே அணி 6 விக்கெட்டுக்கு 352 ரன்கள் எடுத்துள்ளது. சக்பாவா 31 ரன்னிலும், முடோம்போடி 19 ரன்னிலும் அவுட்டாகாமல் உள்ளனர்.
இலங்கை அணி சார்பில் சுரங்கா லக்மல், தனஞ்செயா டி சில்வா தலா 2 விக்கெட்டுகள் வீழ்த்தினர்.