அணிக்கு உதவும் என்றால் கேப்டன் பதவியை துறக்க தயார்: கேன் வில்லியம்சன்

மூன்று வகை கிரிக்கெட்டிலும் நியூசிலாந்து அணி கேப்டனாக கேன் வில்லியம்சன் உள்ளார். சமீபத்தில் ஆஸ்திரேலியா சுற்றுப் பயணம் செய்திருந்த நியூசிலாந்து டெஸ்ட் தொடரை 0-3 என இழந்தது. ஆஸ்திரேலியாவுக்கு எதிராக மூன்று போட்டிகளிலும் ஈடுகொடுக்க முடியாமல் திணறினர். கேன் வில்லியம்சனும் ரன்கள் குவிக்கவில்லை.

இதனால் குறைந்தபட்சம் டி20 கிரிக்கெட் கேப்டன் பதவியையாவது ராஜினாமா செய்ய வேண்டும் என எதிர்ப்பு வலுத்து வருகிறது. இந்நிலையில் அணிக்கு உதவும் என்றால் கேப்டன் பதவியை துறக்க தயார் என்று கேன் வில்லியம்சன் தெரிவித்துள்ளார்.