ஆஸ்திரேலிய ஓபன் டென்னிஸ் - பிளிஸ்கோவா, பென்சிக் 3-வது சுற்றுக்கு தகுதி

மெல்போர்ன்:

கிராண்ட்சிலாம் போட்டிகளில் ஒன்றான ஆஸ்திரேலிய ஓபன் டென்னிஸ் போட்டி மெல்போர்ன் நகரில் நடைபெற்று வருகிறது.

உலகின் இரண்டாம் நிலை வீராங்கனை கரோலினா பிளிஸ்கோவா (செக்குடியரசு) 2-வது சுற்றில் ஜெர்மனியை சேர்ந்த லவுராவை எதிர் கொண்டார். இதில் பிறிஸ்கோவா 6-3, 6-3 என்ற நேர் செட் கணக்கில் வென்று 3-வது சுற்றுக்கு தகுதி பெற்றார்.

6-வது வரிசையில் உள்ள பெலின்டா பென்சிக் (சுவிட்சர்லாந்து) 2-வது சுற்று ஆட்டத்தில் 7-5, 7-5 என்ற நேர் செட் கணக்கில் ஜெலீனாவை (லாத்வியா) தோற்கடித்தார்.

மற்ற ஆட்டங்களில் 19-வது வரிசையில் உள்ள வெதிக் (குரோஷியா), முகுருரசா (ஸ்பெயின்) ஆகியோர் வெற்றி பெற்று 3-வது சுற்றுக்கு தகுதி பெற்றனர்.

உலகின் 4-ம் நிலை வீரரான மெட்வதேவ் (ரஷியா) 2-வது சுற்றில் 7-5, 6-1, 6-3 என்ற நேர் செட் கணக்கில் மார்ட்டினசை (ஸ்பெயின்) வீழ்த்தினார்.