சுவிட்சர்லாந்தில் கிறிஸ்துமஸ் விடுமுறையை கொண்டாடிய விராட் கோலி - அனுஷ்கா ஷர்மா ஜோடி

இந்தியா - வெஸ்ட் இண்டீஸ் அணிகளுக்கு இடையிலான 3-வது மற்றும் கடைசி ஒருநாள் கிரிக்கெட் போட்டி கட்டாக்கில் கடந்த 22-ந்தேதி நடைபெற்றது. பரபரப்பான இந்த ஆட்டத்தில் இந்தியா வெற்றி பெற்று தொடரை கைப்பற்றியது.

இந்த போட்டிக்குப்பின் இந்தியா அடுத்த ஆண்டு ஜனவரி 5-ந்தேதி இலங்கைக்கு எதிராக டி20 தொடரில் விளையாடுகிறது. இலங்கை தொடருக்கு முன் கிறிஸ்துமஸ் மற்றும் புத்தாண்டு என வீரர்களுக்கு இரண்டு வாரங்கள் ஓய்வு கிடைத்தது.

இதை பயன்படுத்தி இந்திய அணி கேப்டன் விராட் கோலி தனது மனைவி அனுஷ்கா ஷர்மாவுடன் சுவிட்சர்லாந்து சென்று விடுமுறையை கொண்டாடினர். இருவரும் பனிப்படர்ந்த மலைப்பகுதியில் நின்று எடுத்த போட்டோவை விராட் கோலி அவரது இன்ஸ்டாகிராம் பக்கத்தில் வெளியிட்டுள்ளார்.