செய்திகள்
கேன் வில்லியம்சன், டிம் பெய்ன்

ஆஸ்திரேலியாவுக்கு நியூசிலாந்து பதிலடி கொடுக்குமா?: 2-வது டெஸ்ட் நாளை தொடக்கம்

Published On 2019-12-25 08:20 GMT   |   Update On 2019-12-25 08:20 GMT
ஆஸ்திரேலியா - நியூசிலாந்து அணிகளுக்கு இடையிலான 2-வது டெஸ்ட் ‘பாக்சிங் டே’ டெஸ்டாக நாளை மெல்போர்னில் தொடங்குகிறது.
நியூசிலாந்து கிரிக்கெட் அணி ஆஸ்திரேலியாவில் சுற்றுப் பயணம் செய்து விளையாடி வருகிறது. 2 அணிகளுக்கு இடையேயான 3 டெஸ்ட் போட்டி தொடரில் பெர்த்தில் பகல் - இரவாக நடந்த முதல் டெஸ்டில் ஆஸ்திரேலியா 296 ரன்கள் வித்தியாசத்தில் அபார வெற்றி பெற்றது. இந்த வெற்றி மூலம் அந்த அணி 1-0 என்ற கணக்கில் முன்னிலையில் உள்ளது.

ஆஸ்திரேலியா- நியூசிலாந்து அணிகள் மோதும் 2-வது டெஸ்ட் போட்டி மெல்போர்னில் நாளை தொடங்குகிறது. இந்திய நேரப்படி அதிகாலை 5.30 மணிக்கு போட்டி தொடங்குகிறது.

முதல் போட்டியை போலவே இந்த டெஸ்டிலும் வென்று ஆஸ்திரேலியா தொடரை கைப்பற்றும் ஆர்வத்தில் உள்ளது. அந்த அணி பேட்டிங் மற்றும் பந்துவீச்சில் சம பலத்துடன் உள்ளது. சொந்த மண்ணில் விளையாடுவது அந்த அணிக்கு கூடுதல் பலமாகும்.

முதல் டெஸ்டில் ஏற்பட்ட தோல்விக்கு வில்லியம்சன் தலைமையிலான நியூசிலாந்து அணி பதிலடி கொடுக்குமா? என்று எதிர்பார்க்கப்படுகிறது. இந்த டெஸ்ட்டில் தோற்றால் அந்த அணி தொடரை இழந்துவிடும். இதனால் தொடரை இழக்காமல் இருக்க நியூசிலாந்து வெற்றி பெற கடுமையாக போராட வேண்டும்.
Tags:    

Similar News