செய்திகள்
198 பந்துகள் வீசியும் விக்கெட் இல்லை - சர்வதேச போட்டியில் 4-வது நிகழ்வு
சென்னை சேப்பாக்கத்தில் நேற்று நடைபெற்ற ஆட்டத்தில் 198 பந்துகள் வீசப்பட்ட நிலையில் ஒரு விக்கெட் கூட கைப்பற்றாத மோசமான சாதனையை சுழற்பந்து வீச்சாளர்கள் படைத்துள்ளனர்.
சேப்பாக்கம் மைதானத்தில் நேற்று மொத்தம் 10 விக்கெட்டுகள் விழுந்தன. இந்திய அணியில் விழுந்த 8 விக்கெட்டுகளில் 7 பேர் வேகப்பந்துக்கு ‘அவுட்’ ஆனார்கள். ஒரு வீரர் ‘ரன் அவுட்’ ஆனார் வெஸ்ட் இண்டீசுக்கு விழுந்த 2 விக்கெட்டும் வேகப்பந்து வீரர்கள் கைப்பற்றியது.
198 பந்துகள் வீசியும் சுழற்பந்து வீரர்கள் யாராலும் விக்கெட் எடுக்கப்படவில்லை. இந்திய சுழற்பந்து வீரர்கள் 126 பந்தும், வெஸ்ட் இண்டீஸ் சுழற்பந்து வீரர்கள் 72 பந்தும் வீசினார்கள். சர்வதேச போட்டியில் இது 4-வது நிகழ்வாகும்.
வங்காளதேசம்- ஜிம்பாப்வே (2001) அணிகள் மோதிய போட்டியில் 228 பந்துகள் வீசியும் சுழற்பந்து வீரர்கள் ஒரு விக்கெட் கூட கைப்பற்றாததால் முதல் நிலையில் இருக்கிறது.