இந்தியாவைச் சேர்ந்த இவரால்தான் லாராவின் ‘400’ சாதனையை முறியடிக்க முடியும்: வார்னர்

ஆஸ்திரேலியா - பாகிஸ்தான் அணிகளுக்கு இடையிலான 2-வது டெஸ்ட் அடிலெய்டில் நடைபெற்று வருகிறது. இதில் ஆஸ்திரேலியா அணியின் தொடக்க வீரர் டேவிட் வார்னர் சிறப்பாக விளையாடி முச்சதம் அடித்தார்.

அவர் 335 ரன்கள் எடுத்திருக்கும்போது, ஆஸ்திரேலியா தனது முதல் இன்னிங்சை டிக்ளேர் செய்தது. கூடுதலாக ஒரு மணி நேரம் டிக்ளேர் செய்யாமல் இருந்திருந்தால் டேவிட் வார்னர் 400 ரன்களை கடந்து லாராவின் சாதனையை முறியடித்திருக்கலாம் என்ற கருத்து நிலவி வருகிறது.

இந்நிலையில் லாரா சாதனையை முறியடிக்க ஹிட்மேனால்தான் முடியும் என டேவிட் வார்னர் தெரிவித்துள்ளார்.

இதுகுறித்து டேவிட் வார்னர் கூறுகையில் ‘‘ஒருநாள் லாராவின் சாதனையை முறியடிக்கும் நபர் யார் என்று நான் கூற விரும்பினால், அவர் ரோகித் சர்மாவாகத்தான் இருப்பார்’’ என்றார்.